Breaking News
പി.എസ്.സി നിയമനങ്ങളിൽ റെക്കോഡിട്ട് വിദ്യാഭ്യാസ വകുപ്പ്

കോഴിക്കോട്: ജില്ലയിൽ പി.എസ്.സി നിയമനങ്ങളിൽ സർവകാല റെക്കോഡിട്ട് പൊതുവിദ്യാഭ്യാസ വകുപ്പ്. മൂന്നുമാസത്തിനുള്ളിൽ മൂന്നുഘട്ടങ്ങളിലായി 403 പേർക്കാണ് നിയമനം നൽകിയത്. എൽ.പി.എസ്.ടി ഒന്നാം ഘട്ടത്തിൽ 165 പേർക്കും രണ്ടാം ഘട്ടത്തിൽ 114 പേർക്കും യുപിഎസ്ടിയിൽ 124- പേർക്കും നിയമനം നൽകി. അടുത്തഘട്ടംകൂടി നിയമനം നടത്തുമ്പോഴേക്കും എൽ.പി.എസ്.ടി റാങ്ക് പട്ടിക പൂർണമാകും.
റാങ്ക് പട്ടിക പ്രസിദ്ധീകരിച്ചാൽ, റിപ്പോർട്ട് ചെയ്ത ഒഴിവുകളിൽ എത്രയും പെട്ടെന്ന് നിയമനം നടത്തണമെന്നാണ് സർക്കാർ നിർദേശം. ഇത് കലോത്സവ തിരക്കുകൾക്കിടയിലും പാലിക്കാൻ ഓഫീസിന് സാധിച്ചു.
പൊതു വിദ്യാഭ്യാസ സംരക്ഷണ യജ്ഞത്തിന്റെയും വിദ്യാ കിരണം പദ്ധതിയുടെയും അന്തഃസത്ത ഉൾക്കൊണ്ട് ജനസൗഹൃദ ഓഫീസ്, ഫയൽ കുടിശ്ശിക രഹിത ഓഫീസ് എന്നീ ലക്ഷ്യങ്ങൾ മുൻനിർത്തിയുള്ള പ്രവർത്തനങ്ങളും നടക്കുകയാണ്. ഇതിന്റെ ഭാഗമായി ഫ്രണ്ട് ഓഫീസ് സംവിധാനം പൂർണതോതിൽ പ്രവർത്തനം തുടങ്ങി.
മാർച്ച്, ഏപ്രിൽ, മെയ് മാസങ്ങളിൽ വിരമിക്കുന്നവർക്ക് പെൻഷൻ, വിരമിക്കൽ ആനുകൂല്യങ്ങൾ സമയബന്ധിതമായി നൽകാനുള്ള ഫയൽ ജോലികളും പുരോഗമിക്കുന്നു.ഈ ദിശയിൽ തിളക്കമാർന്ന പ്രവർത്തനങ്ങൾ നടത്തുന്ന ഓഫീസിനെ നിയമന ഉത്തരവ് തിരുത്തി എന്ന സംഭവത്തെ മുൻനിർത്തി ചിലർ അനാവശ്യ വിവാദങ്ങളിലേക്ക് വലിച്ചിഴക്കുകയാണെന്ന് അധികൃതർ പറഞ്ഞു. വിവാദങ്ങളുണ്ടാക്കുന്നതിനെതിരെ വ്യാപക പ്രതിഷേധവും ഉയർന്നിട്ടുണ്ട്.
നിയമന അധികാരിക്ക് ഉദ്യോഗാർഥികളെ ജില്ലക്കകത്ത് ഏത് ഒഴിവിലും നിയമിക്കാം. എന്നാൽ സൗകര്യം മുൻനിർത്തി, അവർ അപേക്ഷയിൽ നൽകിയ മേൽവിലാസമാണ് പൊതുവെ പരിഗണിക്കാറ്. യാത്രാസൗകര്യം കൂടുതലുള്ള സ്ഥലങ്ങളിൽ ഒഴിവുകൾ തത്സമയംതന്നെ സ്ഥലംമാറ്റത്തിലൂടെ നികത്തപ്പെടും. ഇതിനാൽ പുതിയവർക്ക് പലപ്പോഴും നിയമനം വിദൂര സ്ഥലങ്ങളിലായിരിക്കും.
മൊത്തമായി നിയമനം നൽകുന്ന അവസരങ്ങളിൽ മുമ്പ് ഒഴിവ് റിപ്പോർട്ട് ചെയ്തതിലെ പിശക് മൂലമോ, ഒഴിവ് മറ്റുരീതിയിൽ നികത്തിയാലോ അപ്പോൾ തന്നെ മറ്റൊരു ഒഴിവിലേക്ക് മാറ്റിനൽകും. രോഗം, വ്യക്തിപരമായ ബുദ്ധിമുട്ട് എന്നിവ ശ്രദ്ധയിൽ പെടുത്തുന്നവർക്കും പോയിവരാവുന്ന ഇടങ്ങളിൽ ഒഴിവുണ്ടെങ്കിൽ മാറ്റി നിയമനം നൽകുകയുമാണ് പതിവ്.
Breaking News
ഫ്രാന്സിസ് മാര്പാപ്പ വിടവാങ്ങി

തിരുവനന്തപുരം : ആഗോള കത്തോലിക്കാ സഭയുടെ ഇടയന് ഫ്രാന്സിസ് മാര്പാപ്പ വിടവാങ്ങി. 89 വയസ്സായിരുന്നു. ഇരു ശ്വാസകോശങ്ങളിലും ന്യുമോണിയ ബാധിച്ച് ദീര്ഘകാലം ആശുപത്രിയില് ചികിത്സയില് കഴിഞ്ഞ ശേഷം വത്തിക്കാനിലേക്ക് മടങ്ങിയതിന് പിന്നാലെയാണ് അന്ത്യം. 1936 ഡിസംബര് 17ന് അര്ജന്റീനയുടെ തലസ്ഥാനമായ ബ്യൂണസ് ഐറിസില് ജനനം. പിതാവ് മരിയോ റെയില്വേയില് അക്കൗണ്ടന്റ് ആയിരുന്നു. മാതാവ് റെജീന സിവോറി. ജോര്ജ് മരിയോ ബെര്ഗോഗ്ളിയോ എന്നാണ് ഫ്രാന്സിസ് മാര്പാപ്പയുടെ യഥാര്ഥ പേര്. കെമിക്കല് ടെക്നീഷ്യന് ബിരുദം നേടിയ ജോര്ജ് മരിയോ പിന്നീട് പൗരോഹിത്യത്തിന്റെ വഴി തിരഞ്ഞെടുക്കുകയായിരുന്നു. 1969ല് ജസ്യൂട്ട് പുരോഹിതനായി സ്ഥാനാരോഹണം ചെയ്തു. 1992ല് ബിഷപ്പും 1998ല് ബ്യൂണസ് ഐറിസിന്റെ ആര്ച്ച് ബിഷപ്പുമായി.
2001ല് ജോണ് പോള് രണ്ടാമന് മാര്പാപ്പ കര്ദിനാളാക്കി. ശാരീരിക അവശതകള് കാരണം ബെനഡിക്ട് പതിനാറാമന് മാര്പാപ്പ സ്ഥാനത്യാഗം ചെയ്തപ്പോള്, പിന്ഗാമിയായി. 2013 മാര്ച്ച് 13-ന് ആഗോള കത്തോലിക്ക സഭയുടെ 266-മത് മാര്പാപ്പായി സ്ഥാനാരോഹണം. കത്തോലിക്കാ സഭയുടെ തലവനായി അമേരിക്കന് ഭൂഖണ്ഡത്തില് നിന്നും തിരഞ്ഞെടുക്കപ്പെട്ട ആദ്യത്തെ മാര്പാപ്പ.ലളിതമായ ജീവിതംകൊണ്ടും ശക്തമായ നിലപാടുകള്കൊണ്ടും ഫ്രാന്സിസ് മാര്പാപ്പ ലോകത്തിന്റെ ആകെ ശ്രദ്ധ നേടി. മതങ്ങള്ക്കിടയിലെ ആശയവിനിമയത്തെ ഫ്രാന്സിസ് മാര്പാപ്പ പിന്തുണച്ചു.
കാലാവസ്ഥ വ്യതിയാനം, ലൈംഗിക ന്യൂനപക്ഷങ്ങളോടുള്ള സമീപനം, യുദ്ധങ്ങള്, വംശീയ അതിക്രമങ്ങള് തുടങ്ങി മനുഷ്യരെ ബാധിക്കുന്ന വിഷയങ്ങളിലെല്ലാം മാനവികതയുടെ പക്ഷം ചേര്ന്നു. സ്വവര്ഗ ലൈംഗികത കുറ്റകൃത്യമല്ലാതാക്കണമെന്ന് ആവശ്യപ്പെട്ടു. വധശിക്ഷയ്ക്കെതിരെയും നിലപാട് സ്വീകരിച്ചു. ഗസ്സയിലും യുക്രൈനിലും യുദ്ധത്തില് പൊലിഞ്ഞ ജീവനുകള്ക്ക് വേ്ണ്ടി പ്രാര്ഥിച്ചു. സമാധാനത്തിന് വേണ്ടി ആഹ്വാനം ചെയ്തു. ഉരുളുകൊണ്ടുപോയ വയനാട്ടിലെ ജീവിതങ്ങള്ക്ക് വേണ്ടിയും ആ കൈകള് ദൈവത്തിന് നേരെ നീണ്ടു.
Breaking News
കണ്ണൂരിൽ ലോറി ഇടിച്ച് സ്കൂട്ടർ യാത്രക്കാരനായ റിട്ട. കെ.എസ്.ആർ.ടി.സി ജീവനക്കാരൻ മരിച്ചു

കണ്ണൂർ: കണ്ണോത്തുംചാലിൽ ലോറി ഇടിച്ച് സ്കൂട്ടർ യാത്രക്കാരൻ മരിച്ചു. കാപ്പാട് പെരിങ്ങളായി തീർത്ഥത്തിൽ എം. ദാമോദരൻ്റെ മകൻ പ്രദീപ് ദാമോദരൻ (66) ആണ് മരിച്ചത്. ഓട്ടോ ഡ്രൈവറാണ് പ്രദീപ്. കെ.എസ്.ആർ.ടി.സി കണ്ണൂർ ഡിപ്പോയിലെ റിട്ട. മെക്കാനിക്കൽ ചാർജ് മാനാണ്. ഇന്ന് വൈകിട്ടായിരുന്നു അപകടം. ഉടൻ ചാലയിലെ മിംസ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
Breaking News
തലശ്ശേരിയിൽ വാടക വീട്ടിൽ വീട്ടമ്മ മരിച്ച നിലയിൽ

തലശ്ശേരി: കുട്ടിമാക്കൂലിൽ വാടക വീട്ടിൽ വീട്ടമ്മയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. തലശ്ശേരി കുയ്യാലി സ്വദേശിനി പി. ഷീനയാണ് മരിച്ചത്.ഭർത്താവ് ചിറമ്മൽ വീട്ടിൽ കെ. ഉമേഷിനെ പോലീസ് കസ്റ്റഡിയിൽ എടുത്തു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്