Connect with us

Breaking News

പൊന്നച്ചന്റെ പരീക്ഷണങ്ങൾ സൂപ്പർഹിറ്റ്‌

Published

on

Share our post

ഏഴിലോട്: ഗ്രാഫ്‌റ്റിങ്ങിൽ വിജയഗാഥയുമായി പൊന്നച്ചൻ. കാട്ട്‌ തിപ്പെല്ലി, കരിമുണ്ട എന്നിവയിൽ ഗ്രാഫ്‌റ്റ്‌ ചെയ്യുന്ന കുറ്റി കുരുമുളക്‌, കാട്ട്‌ചുണ്ടയിൽ തക്കാളിച്ചെടി തുടങ്ങി ഗ്രാഫ്‌റ്റ്‌ ചെയ്‌ത്‌ ഉൽപ്പാദിപ്പിക്കുന്ന ചെടികൾക്കായി വിദൂരങ്ങളിൽനിന്നും പൊന്നച്ചനെ തേടി ആളുകളെത്തുന്നു.

പൊന്നച്ചൻ ഏഴിലോടെന്ന പി .എം തോമസിന് കൃഷി തന്നെയാണ്‌ ജീവിതം. കോഴിക്കോട് കുറ്റ്യാടിയിൽനിന്ന്‌ ഏഴിലോടെത്തിയ പൊന്നച്ചൻ കൃഷിയിൽ പരീക്ഷണവും നിരന്തര പഠനവുമായി സജീവം.

വർഷം മുഴുവൻ കായ്ക്കുന്ന ആകാശ വെള്ളരി, കഴിച്ച് കഴിഞ്ഞാലും ദീർഘനേരം മധുരം നിലനിൽക്കുന്ന മിറാക്കൾ ഫ്രൂട്ട്, ചൂലുണ്ടാക്കാനുപയോഗിക്കുന്ന ചൂൽച്ചെടി, മൊട്ടപ്പഴം, സീതപ്പഴം, ഫാഷൻ ഫ്രൂട്ട്, സ്റ്റാർ ഫ്രൂട്ട് എന്നിവയും കറുക, ഇരുപ്പ, പഴുതാരച്ചെടി, ഏലം എന്നിവയും പൊന്നച്ചന്റെ ശേഖരത്തിലുണ്ട്.

കസ്തൂരി മഞ്ഞൾ, കറുത്ത മഞ്ഞൾ, കരി ഇഞ്ചി, വയമ്പ്, കച്ചോലം തുടങ്ങിയവയും കൃഷിയിടത്തെ സമ്പന്നമാക്കുന്നു. കാച്ചിൽ, ചേമ്പ്, ചേന, ചെറുകിഴങ്ങ് എന്നിവയും കൃഷി ചെയ്തു വരുന്നു.ബോൺസായ് ഇനങ്ങളാണ് മറ്റൊരു പ്രത്യേകത. തെങ്ങ്, കാപ്പി, പന തുടങ്ങിയവ ബോൺസായ് രീതിയിൽ ഉൽപ്പാദിപ്പിച്ചിട്ടുണ്ട്.

ഇലകളിൽനിന്നുതന്നെ തൈ ഉൽപ്പാദിപ്പിക്കുന്ന വിസ്മയകരമായ കാഴ്‌ചയും പൊന്നച്ചന്റെ കൃഷിയിടത്തിലുണ്ട്. ഒരു വിത്തിൽനിന്നുതന്നെ രണ്ട് മുള വരുന്ന തെങ്ങുൽപ്പാദിപ്പിക്കാനുള്ള ശ്രമത്തിലാണ് ഇപ്പോൾ ഇദ്ദേഹം.

എത്ര തവണ പരാജയപ്പെട്ടാലും പിന്നെയും പിന്നെയും ശ്രമിക്കുകയെന്നതാണ് പൊന്നച്ചന്റെ പോളിസി. പൊന്നച്ചന്റെ പരീക്ഷണ നിരീക്ഷണങ്ങളെക്കുറിച്ച്‌ അറിയാനും പകർത്താനും നിരവധിപേരാണ് വീട്ടിലെത്തുന്നത്‌. സിപിഐ എം കാരാട്ട് ബ്രാഞ്ചംഗമാണ് പൊന്നച്ചൻ.


Share our post

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Breaking News

എക്‌സാലോജിക്കില്‍ വിജിലന്‍സ് അന്വേഷണമില്ല; ഹര്‍ജി തള്ളി ഹൈക്കോടതി

Published

on

Share our post

കൊച്ചി: എക്‌സാലോജിക് സി.എം.ആര്‍.എല്‍ ഇടപാട് കേസില്‍ വിജിലന്‍സ് അന്വേഷണം വേണമെന്ന ആവശ്യം തള്ളി ഹൈക്കോടതി. മുഖ്യമന്ത്രി പിണറായി വിജയന്റെ മകള്‍ വീണാ വിജയന് സി.എം.ആര്‍.എല്‍ ഇല്ലാത്ത സേവനത്തിന് പ്രതിഫലം നല്‍കി എന്നതുമായി ബന്ധപ്പെട്ട പരാതി വിജിലന്‍സ് കോടതി തള്ളിയതിനെതിരെ മാത്യു കുഴല്‍നാടന്‍ എം.എല്‍.എ.യും കളമശ്ശേരി സ്വദേശി പരേതനായ ഗിരീഷ് ബാബുവും ഫയല്‍ ചെയ്ത ഹര്‍ജിയിലാണ് ഹൈക്കോടതി വിധി പറഞ്ഞത്.പ്രതിഫലം നല്‍കി എന്ന ആദായനികുതി സെറ്റില്‍മെന്റ് ബോര്‍ഡിന്റെ കണ്ടെത്തലില്‍ മുഖ്യമന്ത്രി പിണറായി വിജയന്‍, വീണാ വിജയന്‍ എന്നിവര്‍ക്കെതിരെയുള്ള അന്വേഷണം നടത്തണമെന്നായിരുന്നു പരാതിയിലെ ആവശ്യം. അന്വേഷണ ആവശ്യം തള്ളിയ വിജിലന്‍സ് കോടതി ഉത്തരവ് റദ്ദാക്കി വീണ്ടും തീരുമാനമെടുക്കാനായി വിജിലന്‍സ് കോടതിയോട് നിര്‍ദേശിക്കണം എന്നായിരുന്നു രണ്ടു ഹര്‍ജികളിലെയും ആവശ്യം.വീണയ്ക്കും ഇവരുടെ ഉടമസ്ഥതയിലുള്ള എക്‌സാലോജിക് കമ്പനിക്കും ഇല്ലാത്ത സോഫ്ട്‌വെയര്‍ സേവനത്തിന്റെ പേരില്‍ ഒരുകോടി 72 ലക്ഷം രൂപ നല്‍കി എന്നായിരുന്നു ആദായനികുതി സെറ്റില്‍മെന്റ് ബോര്‍ഡിന്റെ കണ്ടെത്തല്‍. മുഖ്യമന്ത്രിയുടെ മകള്‍ എന്ന സ്ഥാനം ഉപയോഗിച്ചാണ് എക്‌സാലോജിക് കമ്പനി സിഎംആര്‍എല്ലില്‍ നിന്ന് മാസപ്പടി വാങ്ങിയത് എന്നതായിരുന്നു പ്രധാന ആരോപണം.

 


Share our post
Continue Reading

Trending

error: Content is protected !!