പേരാവൂർ മണ്ഡലം മുസ്ലിം യൂത്ത് ലീഗ് കുറ്റവിചാരണയാത്രക്ക് തുടക്കം
കേളകം : മുസ്ലിം യൂത്ത് ലീഗ് പേരാവൂർ നിയോജക മണ്ഡലം കുറ്റവിചാരണ യാത്ര തുടങ്ങി. ജില്ലാ പ്രസിഡന്റ് നസീർ നെല്ലൂർ ജാഥ ക്യാപ്റ്റൻ നിയോജക മണ്ഡലം പ്രസിഡന്റ് സിറാജ് പൂക്കോത്തിന് പതാക കൈമാറി അടക്കാത്തോട്ടിൽ ഉദ്ഘാടനം നിർവഹിച്ചു.മണ്ഡലം ജനറൽ സെക്രട്ടറി സവാദ് പെരിയത്തിൽ അധ്യക്ഷത വഹിച്ചു.
യൂത്ത് കോൺഗ്രസ് നിയോജക മണ്ഡലം പ്രസിഡന്റ് സോനു വല്ലത്തുകാരൻ, യൂത്ത് ലീഗ് മണ്ഡലം വൈസ് പ്രസിഡന്റ് അബ്ദുറഹ്മാൻ കേളകം, മുസ്ലിം ലീഗ് കേളകം പഞ്ചായത്ത് പ്രസിഡന്റ് പി. എച്ച്.കബീർ,ഫവാസ് പുന്നാട്, അസ്‌ലം മുഴക്കുന്ന്, സിറാജ് പാറയിൽ, അർസൽ, യൂസഫ് ചിറക്കൽ തുടങ്ങിയവർ സംബന്ധിച്ചു.
ജാഥ വെള്ളിയാഴ്ച രാവിലെ പേരാവൂരിൽ നിന്ന് ആരംഭിക്കും.മുരിങ്ങോടി,മുഴക്കുന്ന് കാക്കയങ്ങാട് ,വിളക്കോട്,അയ്യപ്പൻകാവ് ,ആറളം,കീഴ്പ്പള്ളി എന്നിവിടങ്ങളിലെ പര്യടനത്തിനുശേഷം വള്ളിത്തോട് സമാപിക്കും.
സമാപന ദിവസമായ ശനിയാഴ്ച ഇരിട്ടിയിൽ നിന്നും ആരംഭിച്ച് പയഞ്ചേരി ,കീഴൂർ പുന്നാട് ,ഉളിയിൽ ,നരയൻപാറ നടുവനാട് ,വള്ളോര ചാവശ്ശേരി ,പെരിയത്തിൽ, വെളിയമ്പ്ര എന്നിവിടങ്ങളിൽ പ്രചരണം നടത്തി പത്തൊൻപതാം മൈലിൽ സമാപിക്കും.
