ബഫര്‍ സോണ്‍ കരട് വിജ്ഞാപനത്തില്‍ ഇളവ് പരിഗണിക്കാം: സുപ്രീംകോടതി
ന്യൂഡല്‍ഹി: ബഫര്‍ സോണില്‍ കേരളത്തിന് ആശ്വാസം. കരട് വിജ്ഞാപനത്തില്‍ ഇളവ് പരിഗണിക്കാമെന്ന് സുപ്രീം കോടതി. വിധിയില്‍ വ്യക്തത തേടിയുള്ള ഹര്‍ജികള്‍ തിങ്കളാഴ്ച ഒന്നിച്ച് പരിഗണിക്കും.
ബഫര്‍ സോണ്‍ വിധിയില്‍ ഭേദഗതി ആവശ്യപ്പെട്ടും വ്യക്തത തേടിയും കേന്ദ്രസര്‍ക്കാര്‍ നല്‍കിയ ഹര്‍ജികളിലാണ് കോടതി ഇക്കാര്യം പറഞ്ഞത്. പരിസ്ഥിതിലോല പ്രദേശമായി പ്രഖ്യാപിച്ചുകൊണ്ട് കേന്ദ്ര വനം പരിസ്ഥിതി മന്ത്രാലയം പുറപ്പെടുവിച്ച വിജ്ഞാപനങ്ങളില്‍ ഉള്‍ക്കൊള്ളുന്ന മേഖലകളെ ബഫര്‍ സോണ്‍ വിധിയുടെ പരിധിയില്‍ നിന്ന് ഒഴിവാക്കണമെന്നതാണ് കേന്ദ്രത്തിന്‍റെ ആവശ്യം.
ഹര്‍ജിയില്‍ കക്ഷി ചേരാന്‍ കേരളവും അപേക്ഷ നല്‍കിയിരുന്നു. കേന്ദ്രം കരട് വിജ്ഞാപനം ഇറക്കിയ സംസ്ഥാനത്തെ 22 സംരക്ഷിത മേഖലകള്‍ക്ക് ഇളവ് നല്‍കണമെന്നാണ് കേരളത്തിന്‍റെ ആവശ്യം.
