സുക്കോളച്ചന്‍ ഇനി ദൈവദാസന്‍

പരിയാരം ( കണ്ണൂർ): കാരുണ്യവുമായി കടൽ കടന്നെത്തി, ജനമനസുകളിൽ നല്ല ഇടയനായി ഇടംനേടിയ ഫാദർ ലീനസ്‌ മരിയ സുക്കോൾ ഇനി ദൈവദാസൻ. ഫാ. സു​ക്കോ​ൾ നി​ത്യവി​ശ്ര​മം കൊ​ള്ളു​ന്ന​ പരിയാരം മ​രി​യ​പു​രം നിത്യസഹായ മാതാദേ​വാ​ല​യ​ത്തി​ലെ ഖബറിടത്തിൽ നടന്ന പ്രാർഥനയോടെയാണ് ദൈവദാസൻ പ്രഖ്യാപനം നടന്നത്.

മലബാറിന്റെ മഹാമിഷണറിയായ, അനാഥരും നിരാലംബരുമായ ആയിരങ്ങൾക്ക്‌ ജീവിതമാർഗമൊരുക്കിയ സുക്കോളച്ചനെ ദൈവദാസനായി അടയാളപ്പെടുത്തുന്ന ചടങ്ങിന്‌ വൻജനാവലി സാക്ഷിയായി.ഫാദർ സു​ക്കോ​ളിനെ വിശുദ്ധ പദവിയിലേക്ക് ഉയർത്തുന്നതിന്റെ ആദ്യപടിയായാണ് ദൈവദാസൻ പ്രഖ്യാപനം. ഒ​മ്പതാം ച​ര​മവാ​ർ​ഷി​കദിനമാ​യ വെള്ളിയാഴ്ച രാ​വി​ലെ ഖ​ബ​റി​ട​ത്തി​ൽ പ്രാ​ർ​ഥ​നാ​ഞ്ജ​ലി​യോ​ടെ​യാ​ണ് ച​ട​ങ്ങു​ക​ളാരംഭിച്ചത്.

ക​ണ്ണൂ​ർ രൂ​പ​ത ബി​ഷ​പ് ഡോ.​ അ​ല​ക്സ് വ​ട​ക്കും​ത​ല വ​ത്തി​ക്കാ​ൻ ഡി​ക്രി പ്ര​ഖ്യാ​പി​ച്ചു. സി​ബി​സി​ഐ പ്ര​സി​ഡന്റ്‌ മാ​ർ ജോ​സ​ഫ് തോ​മ​സ് ഖ​ബ​റി​ട​ത്തി​ലെ പ്രാ​ർ​ഥ​ന​ക​ൾ​ക്ക് നേ​തൃ​ത്വം ന​ൽ​കി. സു​ക്കോ​ള​ച്ച​ന്റെ സ്വ​ർ​ണോ​ലിക്ക ഇ​ട​വ​ക​ പ്ര​തി​നി​ധി ലൂ​ക്ക ഖ​ബ​റി​ട​ത്തി​ൽ ദീ​പം തെ​ളി​​ച്ചു. ഫാദർ സുക്കോളിന്റെ ബ​ന്ധു​ക്ക​ളും മ​രി​യ​പു​രം ദേ​വാ​ല​യ​ത്തി​ൽ എ​ത്തി​യി​രു​ന്നു.

പൊ​ന്തി​ഫി​ക്ക​ൽ ദി​വ്യ​ബ​ലി​ക്ക് ഫാ. സു​ക്കോ​ളിന്റെ ജ​ന്മ​നാ​ടാ​യ തെ​ന്ത്രോ അ​തി​രൂ​പ​ത ആ​ർ​ച്ച് ബി​ഷ​പ് ഡോ.​ ലൂ​യി​ജി ബ്രെ​സാ​ർ പ്ര​ധാ​ന കാ​ർ​മി​ക​ത്വം വ​ഹി​ച്ചു. കോ​ഴി​ക്കോ​ട് രൂ​പ​ത മെത്രാൻ ബി​ഷ​പ് ഡോ. ​വ​ർ​ഗീ​സ് ച​ക്കാ​ല​ക്ക​ൽ, ത​ല​ശേ​രി അ​തി​രൂ​പ​ത ആ​ർ​ച്ച് ബി​ഷ​പ് മാ​ർ ജോസ​ഫ് പാം​പ്ലാ​നി തു​ട​ങ്ങി​യ​വ​ർ പങ്കെടുത്തു.

പൊ​തു​സ​മ്മേ​ള​ന​വും സ്നേ​ഹ​വി​രു​ന്നും ന​ട​ത്തി. ആറരപ്പതിറ്റാണ്ട്‌ ത്യാഗനിഷ്‌ഠയോടെ സേവനംചെയ്‌ത സുക്കോളച്ചന്റെ ജീവിതത്തിന് തിരുസഭ നൽകിയ അംഗീകാരമായി ദൈവദാസൻ പ്രഖ്യാപനം.