ജനങ്ങളെ കേട്ട് ജനങ്ങളെ അറിയിച്ച്

കണ്ണൂർ: ജനങ്ങൾക്ക്‌ പറയാനുള്ളത്‌ കേൾക്കാനും സംസ്ഥാന സർക്കാരിന്റെ ജനക്ഷേമ പ്രവർത്തനങ്ങൾ വിശദീകരിക്കുന്നതിനുമുള്ള  ജനനായകരുടെ ഗൃഹസന്ദർശനം തുടരുന്നു. പിണറായി സർക്കാരിന്റെ ജനപക്ഷ–-വികസനപ്രവർത്തനങ്ങൾ വിശദീകരിച്ചും കേന്ദ്രത്തിന്റെ കേരളത്തോടുളള അവഗണന തുറന്നുകാട്ടിയുമുള്ള ഗൃഹസന്ദർശനത്തിന്‌ വലിയ സ്വീകാര്യതയാണ്‌ ലഭിക്കുന്നത്‌.

സംസ്ഥാന–-ജില്ലാ നേതാക്കളും ഏരിയാ–-ലോക്കൽ നേതാക്കളും പ്രവർത്തകരും വീടുകളിലെത്തി. ജനങ്ങൾക്കുള്ള പരാതി കേട്ടും പ്രശ്‌നങ്ങൾ ചർച്ച ചെയ്‌തും സംശയങ്ങൾ ദുരീകരിച്ചും നുണപ്രചാരണങ്ങൾ തുറന്നുകാട്ടിയും ഗൃഹസന്ദർശനം മുന്നേറുകയാണ്‌.