Connect with us

Breaking News

നെല്ല്‌, പശുഫാം പിന്നെ കല്ലുമ്മക്കായയും

Published

on

Share our post

കണ്ണൂർ: നെൽകൃഷിയുടെ ഇത്തിരി വട്ടത്തിൽനിന്ന്‌ പശുഫാമിലേക്കും കല്ലുമ്മക്കായ, മത്സ്യകൃഷികളിലേക്കും ജീവിതം പറിച്ചുനടുകയായിരുന്നു കണ്ടങ്കാളി താഴെപുരയിൽ എം കമലം. കണ്ടങ്കാളി പലോട്ടുവയലിലെ രണ്ടേക്കർ പരമ്പരാഗത നെൽകൃഷിയിൽ നിന്നായിരുന്നു തുടക്കം. ചെറുപ്പംമുതലേ കൃഷിയോട്‌ താൽപര്യമുണ്ടായിരുന്നു. വിവാഹശേഷം കണ്ടങ്കാളിയിൽ എത്തിയതോടെ പൂർണമായി കൃഷിയിൽ മുഴുകി. നെൽകൃഷിക്ക്‌ അനുബന്ധമായി പശുവളർത്തലും തുടങ്ങി.

നെല്ലിന്‌ ആവശ്യമായ ജൈവ വളം സ്വന്തമായി ലഭിക്കുന്നതിനാണ്‌ പശു വളർത്തൽ തുടങ്ങിയത്‌. പിന്നീടത്‌ ഫാമായി വളർന്നു. സങ്കര ഇനങ്ങളടക്കം ഏഴ്‌ പശുക്കൾ ഫാമിലുണ്ട്‌. ശരാശരി 25 ലിറ്റർ പാലളക്കുന്നുണ്ട്‌. നെൽകൃഷിക്കും പച്ചക്കറിക്കും ആവശ്യമായ ചാണകം പശുഫാമിൽനിന്ന്‌ ലഭിക്കുന്നു. നെല്ല്‌ കൊയ്‌ത പാടത്തിൽ പിന്നീട്‌ ഉഴുന്ന്‌ കൃഷിയാണ്‌. ഉഴുന്നിനുശേഷം പച്ചക്കറിയുടെ ഊഴം. വെള്ളരി, കുമ്പളം, പാവൽ, പടവലം എന്നിവ ഉൾപ്പെടെ മിക്ക പച്ചക്കറികളും ഉൽപ്പാദിപ്പിക്കുന്നു.

പൂർണമായും ജൈവ രീതിയിലാണ്‌ കൃഷി. ഹരിത കഷായവും പിണ്ണാക്കുമാണ്‌ വളമായി നൽകുന്നത്‌. ഇതിനാൽ പച്ചക്കറികൾക്ക്‌ കമ്പോള വിലയുടെ ഇരട്ടി ലഭിക്കുന്നു. പയ്യന്നൂരിലെ കർഷകന്റെ കടയിലാണ്‌ പച്ചക്കറി നൽകുന്നത്‌. നെല്ലിനും ആവശ്യക്കാർ ഏറെ. കുത്തരിയും വിൽപ്പനക്കുണ്ട്‌. കുത്തരി കിലോവിന്‌ 70 രൂപയ്‌ക്കാണ്‌ വിൽക്കുന്നത്‌.
ഫിഷറീസ്‌ വകുപ്പ്‌ സഹായത്തോടെയാണ്‌ കല്ലുമ്മക്കായ, മത്സ്യ കൃഷികൾ. കുറുങ്കടവ്‌ പുഴയിലാണ്‌ ഇവ കൃഷി ചെയ്യുന്നത്‌.

വർഷം ഒരു ലക്ഷം രൂപയുടെ കല്ലുമ്മക്കായയാണ്‌ കയറിൽ കൃഷി ചെയ്യുന്നത്‌. പത്തുവർഷമായി കൃഷി തുടങ്ങിയിട്ട്‌. ആദ്യ വർഷങ്ങളിൽ കാര്യമായ വരുമാനമുണ്ടായില്ല. നാലുവർഷമായി മികച്ച വരുമാനം ലഭിക്കുന്നുണ്ടെന്ന്‌ കമലം പറഞ്ഞു. കോഴിക്കോട്‌, തലശേരി ഭാഗങ്ങളിലുള്ളവർ കല്ലുമ്മക്കായ വാങ്ങാനെത്തിയതോടെ ഇപ്പോൾ വിപണി പ്രശ്‌നമല്ല.

മൂന്നുമാസമാണ്‌ കല്ലുമ്മക്കായ കൃഷിയുടെ കാലയളവ്‌. കൂടിലാണ്‌ മത്സ്യ കൃഷി. ഇരിമീനാണ്‌ കൃഷി ചെയ്യുന്നത്‌. അയ്യായിരത്തോളം ഇരിമീനുകളെ കൂടുകളിൽ വളർത്തുന്നു. കിലോവിന്‌ 500 രൂപ നിരക്കിലാണ്‌ വിൽപ്പന. ഫോൺ: 9656902677.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!