വീട് കുത്തിത്തുറന്ന് 13 പവൻ സ്വർണവും 15,000 രൂപയും കവർന്നു
കണ്ണൂർ: താണ ദിനേശ് ഓഡിറ്റോറിയത്തിന് സമീപം വീട് കുത്തിത്തുറന്ന് 13 പവൻ സ്വർണവും 15,000 രൂപയും കവർന്നു. പുഷ്പലതയുടെ ഉടമസ്ഥതയിലുള്ള വീട്ടിലാണ് കവർച്ച നടന്നത്.
വീട് പൂട്ടി പുറത്ത് പോയി മടങ്ങി എത്തിയപ്പോഴാണ് വാതിൽ കുത്തി തുറന്ന നിലയിൽ കണ്ടത്. വീടിനകം പരിശോധിച്ചപ്പോൾ അലമാര ഗ്യാസ് കട്ടർ ഉപയോഗിച്ച് തുറന്ന നിലയിലായിരുന്നു.
സി. ഐ ബിനു മോഹന്റെ നേതൃത്വത്തിൽ പൊലീസ് വീട്ടിൽ പരിശോധന നടത്തി. പ്രദേശത്തെ സി.സി. ടി. വി ദൃശ്യങ്ങൾ ഉൾപ്പടെ ശേഖരിച്ച് പരിശോധിച്ച് വരികയാണെന്ന് പൊലീസ് പറഞ്ഞു.
