പോലീസ് വീണ്ടും പ്രതിക്കൂട്ടിൽ ! സ്റ്റേഷൻ ജീവനക്കാരിയെ കടന്നുപിടിച്ച പോലീസുകാരന് സസ്‌പെൻഷൻ, പ്രതി ഒളിവിൽ
പത്തനംതിട്ട: ആറന്മുള സ്റ്റേഷനിലെ ജീവനക്കാരിയെ കടന്നുപിടിക്കാൻ ശ്രമിച്ച പോലീസുകാരന് സസ്‌പെൻഷൻ. പത്തനാപുരം സ്വദേശിയായ സി .പി. ഒ സജീഫ് ഖാനെതിരെയാണ് നടപടി. ഇയാൾ ഒളിവിലാണ്. വെള്ളിയാഴ്ചയാണ് സജീഫ് താത്ക്കാലിക ജീവനക്കാരിയെ കടന്നുപിടിക്കാൻ ശ്രമിച്ചത്.
ഇതിനുമുൻപും ഇയാൾ ഈ സ്ത്രീയോട് മോശമായി പെരുമാറിയതായി റിപ്പോർട്ടുകളുണ്ട്. ഇനി ഇത് ആവർത്തിക്കരുതെന്ന് താക്കീത് നൽകിയിരുന്നെങ്കിലും വീണ്ടും മോശമായി പെരുമാറിയതോടെ പോലീസിൽ പരാതി നൽകുകയായിരുന്നു.
പോലീസുകാരൻ കുറ്റം ചെയ്‌തിട്ടുണ്ടെന്ന് പ്രാഥമിക അന്വേഷണത്തിൽ കണ്ടെത്തിയതോടെയാണ് ഇയാളെ സസ്‌പെൻഡ് ചെയ്‌തത്.
