ട്രിപ്പിള്‍ ക്യാമറ, കരുത്തുറ്റ ബാറ്ററി; നോക്കിയ സി31 ഇന്ത്യയിലെത്തി
നോക്കിയ ഫോണുകളുടെ നിര്‍മാതാക്കളായ എച്ച്എം.ഡി ഗ്ലോബല്‍, സി .സീരീസില്‍ നിന്നുള്ള ഏറ്റവും പുതിയ സ്മാര്‍ട്ട്‌ഫോണായ നോക്കിയ സി31 ഇന്ത്യയില്‍ അവതരിപ്പിച്ചു. 6.7 ഇഞ്ച് എച്ച്ഡി ഡിസ്‌പ്ലേ, ഗൂഗിളിന്റെ ട്രിപ്പിള്‍ റിയര്‍ ക്യാമറ, എ.ഐ പിന്തുണയോടെയുള്ള ബാറ്ററി സേവിങ് ടെക്‌നോളജി തുടങ്ങിയ സവിശേഷതകളുമായി എത്തുന്ന ഫോണിന് മൂന്ന് ദിവസത്തെ ബാറ്ററി ലൈഫും കമ്പനി ഉറപ്പുനല്‍കുന്നു.
ഒരു വര്‍ഷത്തെ റീപ്ലേസ്‌മെന്റ് ഗ്യാരണ്ടി കമ്പനി വാഗ്ദാനം ചെയ്യുന്നുണ്ട്. രണ്ട് വര്‍ഷത്തെ ത്രൈമാസ സുരക്ഷാ അപ്‌ഡേറ്റുകളും ഉപഭോക്താക്കള്‍ക്ക് ലഭിക്കുമെന്ന് കമ്പനി പറയുന്നു.നോക്കിയ സി സീരീസ് ഇന്ത്യയിലെ തങ്ങളുടെ ഏറ്റവും ജനപ്രിയമായ സീരിസുകളിലൊന്നാണെന്നും സി സീരീസില്‍ മറ്റൊരു മികച്ച സ്മാര്‍ട്ട്‌ഫോണ്‍ അവതരിപ്പിക്കുന്നതില്‍ സന്തോഷമുണ്ടെന്നും എച്ച്എം.ഡി ഗ്ലോബല്‍ ഇന്ത്യ & എം.ഇ.എന്‍.എ വൈസ് പ്രസിഡന്റ് സന്‍മീത് സിങ് കൊച്ചാര്‍ പറഞ്ഞു
.നോക്കിയ വെബ്‌സൈറ്റ് വഴിയും, റീട്ടെയില്‍ ഔട്ട്‌ലെറ്റുകളില്‍ നിന്നും നോക്കിയ സി31 ലഭ്യമാണ്. 3 ജിബി – 32 ജിബി വേരിയന്റിന് 9,999 രൂപയും, 4 ജിബി – 64 ജിബി വേരിയന്റിന് 10,999 രൂപയുമാണ് വില. ഇ-കൊമേഴ്‌സ് സ്റ്റോറുകളിലും നോക്കിയ സി31 ഉടന്‍ വില്‍പനക്ക് ലഭ്യമാവും.
