അഞ്ച് മക്കളെയും ഭാര്യയെയും കൊലപ്പെടുത്തി ഗൃഹനാഥൻ ജീവനൊടുക്കി
ചെന്നൈ: കുടുംബവഴക്കിനെത്തുടർന്നു തമിഴ്നാട് തിരുവണ്ണാമലൈയിൽ ഭാര്യയെയും അഞ്ച് മക്കളെയും വെട്ടിക്കൊലപ്പെടുത്തിയ ശേഷം ഗൃഹനാഥൻ ജീവനൊടുക്കി.
കാഞ്ചിമേട്ടൂർ ഗ്രാമത്തിലെ കര്‍ഷകത്തൊഴിലാളിയായ പളനിസാമി (45) ആണ് ഭാര്യ വല്ലിയമ്മാൾ (37), മക്കളായ തനുശ്രീ (4), തൃഷ (15), മോനിഷ (14), ഭൂമിക (9), ശിവശക്തി (7) എന്നിവരെ വെട്ടിക്കൊന്നശേഷം തൂങ്ങിമരിച്ചത്.
അര്‍ധരാത്രി വീട്ടിൽ ഉറങ്ങിക്കിടക്കുകയായിരുന്ന എല്ലാവരുടെയും കഴുത്തിന് ഗൃഗനാഥൻ വാക്കത്തിക്ക് വെട്ടുകയായിരുന്നു. പളനിസാമി അഞ്ചുലക്ഷം രൂപ പലിശയ്ക്കു കടം വാങ്ങിയിരുന്നു. ഇതിന്‍റെ തിരിച്ചടവു മുടങ്ങിയതിനെ ചൊല്ലി വീട്ടില്‍ വഴക്കു പതിവായിരുന്നുവെന്നു പോലീസ് പറയുന്നു.
മദ്യപിച്ചെത്തിയ പളനിസാമി തിങ്കളാഴ്ച രാത്രിയും ഭാര്യയുമായി വഴക്കിട്ടു. പിന്നീട് രാത്രിയാണ് ഇയാൾ ആക്രമണം നടത്തിയത്. ദമ്പതികളുടെ മൂത്തമകൾ സൗന്ദര്യ (20) ഭർത്താവിനൊപ്പമാണ് താമസിച്ചിരുന്നത്. അതിനാൽ ആക്രമണത്തിൽ നിന്നും രക്ഷപെട്ടു.
