Connect with us

Breaking News

സ്‌ത്രീകളെ അടുക്കളയിൽനിന്ന്‌ അരങ്ങത്തെത്തിച്ചത് കുടുംബശ്രീ

Published

on

Share our post

തളിപ്പറമ്പ്: സംസ്ഥാനത്ത്‌ ലക്ഷക്കണക്കിന്‌ സ്‌ത്രീകളെ അടുക്കളയിൽനിന്ന്‌ അരങ്ങത്തേക്ക്‌ എത്തിച്ചത്‌ കുടുംബശ്രീ പ്രസ്ഥാനമാണെന്ന്‌ തദ്ദേശമന്ത്രി എം. ബി .രാജേഷ്‌. സ്വന്തമായി വരുമാനം ആർജിച്ച്‌ സ്വന്തംകാലിൽനിൽക്കാൻ സ്‌ത്രീകളെ പ്രാപ്‌തമാക്കി. കാൽനൂറ്റാണ്ടിന്റെ അനുഭവവുമായി മുന്നോട്ടുപോവുന്നതിന്റെ വളർച്ച പഠനത്തിനും ഗവേഷണത്തിനും വിഷയമാക്കണമെന്ന്‌ മന്ത്രി പറഞ്ഞു. തളിപ്പറമ്പ്‌ മണ്ഡലം കുടുംബശ്രീ സംരംഭക ശിൽപ്പശാല ഉദ്‌ഘാടനം ചെയ്യുകയായിരുന്നു മന്ത്രി.

സൂക്ഷ്‌മ ഗ്രാമീണ സംരംഭങ്ങളിലൂടെ സ്‌ത്രീകൾക്ക്‌ മികച്ചവരുമാനം ആർജിക്കുന്നതിന്‌ മികച്ച പങ്കാണ്‌ കുടുംബശ്രീ വഹിക്കുന്നതെന്നും മന്ത്രി പറഞ്ഞു. ചിറവക്ക്‌ മൊട്ടമ്മൽ ഹാളിൽ എം. വി .ഗോവിന്ദൻ എം.എൽ.എ അധ്യക്ഷനായി. അഞ്ചുവർഷംകൊണ്ട്‌ 20 ലക്ഷംപേർക്ക്‌ തൊഴിൽനൽകാനുളള പ്രവർത്തനത്തിന്റെ ഭാഗമാണ്‌ സംരംഭക ശിൽപ്പശാലകൾ നടത്തുന്നതെന്ന് എംഎൽഎ പറഞ്ഞു.

കുടുംബശ്രീ എക്സിക്യുട്ടീവ് ഡയറക്ടർ ജാഫർ മാലിക് മുഖ്യപ്രഭാഷണം നടത്തി. നഗരസഭാ വൈസ്‌ ചെയർമാൻ കല്ലിങ്കീൽ പത്മനാഭൻ, നടൻ സന്തോഷ്‌ കീഴാറ്റൂർ, വനിതാ സംരംഭകരായ നിഷ കൃഷ്‌ണൻ, സംഗീത അഭയ്‌, ഹർഷ പുതുശേരി, അയിഷ സമീഹ എന്നിവർ സംസാരിച്ചു. പി എം റിയാസ്‌ ക്ലാസെടുത്തു. ആന്തൂർ നഗരസഭാ ചെയർമാൻ പി മുകുന്ദൻ സ്വാഗതവും കുടുംബശ്രീ ജില്ലാ കോ–-ഓഡിനേറ്റർ ഡോ. എം സുർജിത്ത്‌ നന്ദിയും പറഞ്ഞു. ശിൽപ്പശാല ഞായറാഴ്‌ച സമാപിക്കും.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!