Connect with us

Breaking News

മാധ്യമങ്ങളെ നിയന്ത്രണത്തിലാക്കാൻ 
കേന്ദ്ര നീക്കം: ഡോ. വെങ്കിടേഷ് രാമകൃഷ്‌ണൻ

Published

on

Share our post

കോട്ടയം : മാധ്യമങ്ങളെയും നവമാധ്യമങ്ങളെയും നിയന്ത്രണത്തിലാക്കി ഭരണാധിപത്യം ഉറപ്പിക്കുന്ന സവിശേഷമായ ജനാധിപത്യ കാലഘട്ടത്തിലൂടെയാണ് ഇന്ത്യ കടന്നുപോകുന്നതെന്ന്‌ ഫ്രണ്ട്‌ലൈൻ വാരിക മുൻ സീനിയർ അസോ. എഡിറ്റർ ഡോ. വെങ്കിടേഷ് രാമകൃഷ്‌ണൻ പറഞ്ഞു.

ശാസ്‌ത്രസാഹിത്യ പരിഷത്ത്‌, സി.എം.എസ്‌ കോളേജ്‌, എംജി സർവകലാശാല ഇൻസ്‌റ്റിറ്റ്യൂട്ട്‌ ഓഫ്‌ കമ്യൂണിക്കേഷൻ ആൻഡ്‌ ജേർണലിസവും സംയുക്തമായി സംഘടിപ്പിച്ച ‘മാധ്യമങ്ങളും ജനാധിപത്യവും’ സെമിനാർ ഉദ്‌ഘാടനം ചെയ്യുകയായിരുന്നു അദ്ദേഹം.

ആശയവിനിമയത്തിനുള്ള എല്ലാ മാർഗങ്ങളും ഭരണകൂട നിയന്ത്രണത്തിലാക്കുന്നതിനുള്ള നിയമങ്ങൾ കേന്ദ്രസർക്കാരിന്റെ അണിയറയിൽ ഒരുങ്ങിക്കഴിഞ്ഞു.

ഭരണകൂടത്തിന്റെ സുരക്ഷിതത്വത്തിൽ നിൽക്കുന്ന മാധ്യമങ്ങളെയാണ് ഇന്ത്യയിൽ കാണുന്നത്. കേരളത്തിന്റെ വികസന പ്രവർത്തനത്തിൽ പരിഷത്തിന്റെ സംഭാവന ഏറെ വലുതാണെന്നും അദ്ദേഹം പറഞ്ഞു. സത്യങ്ങൾ മൂടിവയ്ക്കുന്ന വാർത്തകൾ ബ്രേക്ക് ചെയ്യുന്ന തിരക്കിലാണ് മലയാളമാധ്യമങ്ങളെന്ന് സിപിഐ എം സംസ്ഥാന കമ്മിറ്റിയംഗം അഡ്വ. കെ അനിൽകുമാർ പറഞ്ഞു.

സി.എം.എസ്‌ കേളേജ്‌ പ്രിൻസിപ്പൽ ഡോ. വർഗീസ്‌ സി ജോഷ്വ അധ്യക്ഷനായി. പരിഷത്ത്‌ സംസ്ഥാന ജനറൽ സെക്രട്ടറി ജോജി കൂട്ടുമ്മേൽ ആമുഖ പ്രഭാഷണം നടത്തി. ഡോ. ലിജിമോൾ പി ജേക്കബ്‌, എൽ ഷൈലജ, ടി. ലി.സി, എസ്‌ രാജീവ്‌, മധു കൃഷ്‌ണവിലാസം എന്നിവർ സംസാരിച്ചു.

കെ.ഷാഹിന (മാധ്യമങ്ങളും പൊതുബോധ നിർമ്മിതിയും) , പ്രമോദ് രാമൻ (മാധ്യമവും ഭരണകൂടവും), സി .എൽ തോമസ് (ജനാധിപത്യത്തിന്റെ നെടുംതൂണ്) എന്ന വിഷയത്തിലും അവതരണം നടത്തി. അഡ്വ. പി. കെ. ഹരികുമാർ, അഡ്വ വി ബി ബിനു, അഡ്വ.ജി ഗോപകുമാർ, ബിജി കുര്യൻ, ജെ ലേഖ , രാജഗോപാൽ വാകത്താനം, റെജി ലൂക്കോസ് , ടി .പി .ശ്രീശങ്കർ, മഹേഷ് ബാബു, കെ രാജൻ എന്നിവർ പ്രതികരിച്ചു.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!