Connect with us

Breaking News

അയ്യങ്കുന്ന്‌ വനിതാ സംഘത്തിൽ വൻ വെട്ടിപ്പ്‌

Published

on

Share our post

ഇരിട്ടി: കോൺഗ്രസ്‌ നിയന്ത്രണത്തിലുള്ള അയ്യങ്കുന്ന്‌ വനിതാ സഹകരണ സംഘത്തിൽ കോടികളുടെ ക്രമക്കേട് കണ്ടെത്തി. വായ്‌പവെട്ടിപ്പും നിക്ഷേപകർ അറിയാതെ ലക്ഷങ്ങൾ പിൻവലിച്ചതടക്കമുള്ള തട്ടിപ്പിനെത്തുടർന്ന് സഹകരണ വകുപ്പ്‌ അന്വേഷണം തുടങ്ങി. അങ്ങാടിക്കടവിൽ പ്രവർത്തിക്കുന്ന സംഘത്തിലാണ്‌ അഴിമതി നടന്നത്‌. സംഘത്തിന്‌ രണ്ടുകോടി രൂപയുടെ ബാധ്യത വരുത്തുന്ന തരത്തിൽ വായ്പവിതരണത്തിൽ വൻതിരിമറി നടന്നതായി ഓഡിറ്റിൽ കണ്ടെത്തി.

നിക്ഷേപകർ അറിയാതെ 40 ലക്ഷത്തോളം രൂപ സംഘം ചുമതലക്കാരി പിൻവലിച്ചെന്നും പുറത്തറിയുമെന്നായപ്പോൾ ചില നിക്ഷേപങ്ങൾ തിരിച്ചടച്ചു. പലർക്കും നിക്ഷേത്തുക തിരികെ ലഭിച്ചിട്ടില്ല.
സംഘം കെട്ടിടത്തിന്‌ ആറുവർഷത്തെ വാടക നിക്ഷേപമായി നൽകിയെന്നാണ്‌ ബാങ്ക്‌ രേഖകളിൽ പറയുന്നത്‌. പലിശയടക്കമുള്ള തുകയുടെ നിക്ഷേപം പിൻവലിക്കാനായിട്ടില്ല. ഈ പരാതിയിൽ പൊലീസ്‌ കേസെടുത്ത് അന്വേഷണം തുടങ്ങി.

അംഗങ്ങൾ അറിയാതെ സംഘത്തിൽ ഒട്ടേറെ ബിനാമി വായ്‌പകൾ വിതരണം ചെയ്‌തതും സഹകരണ വകുപ്പിന്റെ പ്രാഥമിക അന്വേഷണത്തിൽ കണ്ടെത്തി. പരാതി വ്യാപകമായതോടെ സംഘം പ്രസിഡന്റ്‌ സഹകരണ അസി. രജിസ്ട്രാർക്ക്‌ രാജിക്കത്ത്‌ നൽകി.

പരമാവധി നിക്ഷേപത്തിന്‌ സഹകരണ മേഖല നൽകുന്ന പലിശ ഏഴര ശതമാനമാണ്‌. ഇവിടെ പതിനെട്ടര ശതമാനം വരെ നിക്ഷേപങ്ങൾക്ക്‌ പലിശ നൽകിയെന്നും സൂചനയുണ്ട്‌. മൂന്നരക്കോടിയോളം രൂപ നിക്ഷേപമുള്ള സംഘത്തിൽ ഇതിലുമധികം രൂപ വായ്‌പകുടിശ്ശികയുണ്ട്‌. സംഘത്തിന്റെ ആസ്തി, ബാധ്യതാ പരിശോധനയും സഹകരണ വകുപ്പ്‌ നടത്തുന്നുണ്ട്‌.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!