Connect with us

Breaking News

ഹോംസ്റ്റേ, സർവീസ് വില്ല, റിസോർട്ട്, ട്രാവൽ ഏജൻസി..സഞ്ചാരികളെ ഇതിലെ..

Published

on

Share our post

കണ്ണൂർ: വിനോദ സഞ്ചാരികളെ ജില്ലയിലേക്ക് കൂടുതലായി എത്തിക്കാൻ ലക്ഷ്യമിട്ട് വിവിധ പദ്ധതികളുമായി ജില്ലാ ടൂറിസം പ്രമോഷൻ കൗൺസിൽ (ഡിടിപിസി). കോവിഡിനെ തുടർന്ന് ജില്ലയിൽ സഞ്ചാരികളുടെ ഗണ്യമായ കുറവുണ്ടായ സാഹചര്യത്തിലാണ് ഡിടിപിസിയുടെ ഇടപെടൽ. ഇതിനായി ടൂറിസം സംരംഭകരെ ഒരു കുടക്കീഴിൽ എത്തിക്കുകയാണ് ആദ്യ ദൗത്യം. ജില്ലയിലെ മുഴുവൻ സാധ്യതകളും പരമാവധി ഉപയോഗപ്പെടുത്തി വിദേശികൾ ഉൾപ്പെടെ വിനോദ സഞ്ചാരികളെ ആകർഷിക്കുകയാണ് ഉദ്ദേശം. കണ്ണൂരിനെ കൺനിറയെ കാണാനും അറിയാനും അവസരമൊരുക്കി വിനോദ സഞ്ചാര കേന്ദ്രങ്ങളിലേക്ക് ആളുകളെ യഥേഷ്ടം എത്തിക്കാനുള്ള ആസൂത്രണമാണ് പുരോഗമിക്കുന്നത്.

ഹോംസ്റ്റേ, സർവീസ് വില്ല, റിസോർട്ട്, ട്രാവൽ ഏജൻസി, ടൂർ ഓപ്പറേറ്റേഴ്സ്, ആയുർവേദ കേന്ദ്രങ്ങൾ തുടങ്ങിയവയുമായി ബന്ധപ്പെട്ടു സംരംഭകർക്ക് പരിശീലനം നൽകും. ടൂറിസം കേന്ദ്രങ്ങളിൽ അപകടം ഉണ്ടായാൽ നടത്തേണ്ട രക്ഷാപ്രവർത്തനം ഉൾപ്പെടെ വിദഗ്ധർ ക്ലാസുകൾ കൈകാര്യം ചെയ്യും. വ്യവസായ മേഖലയിലുള്ളവർ, ബാങ്ക് പ്രതിനിധികൾ ഉൾപ്പെടെയുള്ളവരെ ടൂറിസം സംരംഭക ക്യാംപുകളിൽ പങ്കെടുപ്പിക്കും. കലക്ടർ മുൻകയ്യെടുത്താണ് പദ്ധതി ആസൂത്രണം ചെയ്യുന്നത്. വാട്ടർ സ്പോർട്സ്, കയാക്കിങ് എന്നിവയ്ക്ക് കൂടുതൽ പ്രോത്സാഹനം നൽകും. 

വഞ്ചിവീടുകളും കൂടുതലായി ഒരുക്കും. ടൂറിസം സീസൺ ആയ നവംബർ– മേയ് മാസങ്ങളിൽ കൂടുതൽ സഞ്ചാരികളെ എത്തിക്കാൻ കഴിയുമെന്നാണു കണക്ക് കൂട്ടൽ. ഇതിനായി വിമാനത്താവളം– ട്രെയിൻ– കെഎസ്ആർടിസി എന്നിവയുമായി ബന്ധിപ്പിച്ച് ടൂറിസം സർക്യൂട്ട് തയാറാക്കും. വിദേശികൾക്ക് ഏറെ ഇഷ്ടപ്പെട്ട തെയ്യം കാഴ്ചകൾ അനുഭവിക്കാൻ തെയ്യം ഡേറ്റാ ബാങ്ക് തയാറാക്കാൻ കലക്ടർ നിർദേശിച്ചിട്ടുണ്ട്. തീർഥാടന ടൂറിസത്തിന്റെ ഭാഗമായി തീർഥാടന കേന്ദ്രങ്ങളെ കോർത്തിണക്കി വാരാന്ത്യത്തിൽ പ്രത്യേക സർവീസ് നടത്തും. വിദേശികളെ പങ്കെടുപ്പിച്ച് അടുത്ത വർഷം കണ്ണൂരിൽ ഇന്റർ നാഷനൽ ഡാൻസ് ഫെസ്റ്റ് നടത്താനും ഡിടിപിസി ആസൂത്രണം ചെയ്യുന്നുണ്ട്.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!