കണ്ണൂർ: ഇടനിലക്കാരെ ഒഴിവാക്കി, ഇന്ത്യയിലെ മഹാനഗരങ്ങളിൽ നിന്ന് ഉപയോക്താക്കൾക്കു നേരിട്ട് ലഹരിമരുന്നെത്തിക്കുന്നതായി എക്സൈസ് ഇന്റലിജൻസിന്റെ കണ്ടെത്തൽ. ഇടനിലക്കാർ കുറയുന്നതോടെ, ലഹരിക്കടത്തിന്റെ വിവരം ലഭിക്കാതെ നിസഹായരാവുകയാണ് അന്വേഷണ ഏജൻസികളിലെ ഉദ്യോഗസ്ഥർ. ലഹരിമരുന്നിന്റെ പണമിടപാടുകൾ പൂർണമായി തന്നെ ഓൺലൈനായതും ഉദ്യോഗസ്ഥർക്കു തലവേദനയാണ്. ലഹരിക്കടത്തും ഉപയോഗവും വ്യാപകമാവുമ്പോൾ എവിടെച്ചെന്ന് അന്വേഷിക്കുമെന്ന ആശയക്കുഴപ്പത്തിലാണവർ. വിവരങ്ങൾ കൈമാറാൻ വാട്സാപ്പും ടെലിഗ്രാമുമൊക്കെ ഉപയോഗിക്കുന്ന കാലം കഴിഞ്ഞുവെന്നും മറ്റു ചില ആപ്പുകളാണിപ്പോൾ ലഹരിക്കടത്തു സംഘങ്ങൾ ഉപയോഗിക്കുന്നതെന്നും എക്സൈസ് ഉദ്യോഗസ്ഥർ പറയുന്നു.

മുംബൈ, ഗോവ എന്നിവിടങ്ങളിൽ നിന്നു ഹെറോയിൻ, ബ്രൗൺഷുഗർ എന്നിവയും ആന്ധ്രയിൽ നിന്നു കഞ്ചാവുമെത്തുമ്പോൾ, എംഡിഎംഎ പ്രധാനമായും എത്തുന്നതു ബെംഗളൂരുവിൽ നിന്നാണെന്നും എക്സൈസ് ഇന്റലിജൻസ് കണ്ടെത്തിയിട്ടുണ്ട്. ഡൽഹിയിൽ നിന്ന് എംഡിഎംഎ ട്രെയിനിൽ വ്യാപകമായി കടത്തുന്നുണ്ട്. പരിശോധന കുറവാണെന്നതാണ് ട്രെയിനിനെ ആശ്രയിക്കാൻ പ്രധാന കാരണം.കേരളം കേന്ദ്രീകരിച്ച് എംഡിഎംഎ അടക്കമുള്ള ലഹരിമരുന്നു വിതരണം ചെയ്യുന്ന, മലയാളികളടക്കമുള്ള സംഘം ബെംഗളൂരുവിലാണു തമ്പടിച്ചിരിക്കുന്നതെന്നും എക്സൈസ് ഇന്റലിജൻസിനു വിവരമുണ്ട്.

ഇവരിൽ പലരെ പറ്റിയും എക്സൈസിനു സൂചനകളുണ്ട്. പക്ഷേ, കേസിൽ പ്രതികളല്ലാത്തതിനാൽ ബെംഗളൂരുവിലെത്തി പിടികൂടാൻ കഴിയില്ല. മലബാർ ജില്ലകളിൽ എംഡിഎംഎ അടക്കമുള്ള മാരകമായ രാസലഹരിമരുന്നുകൾ വിതരണം ചെയ്തിരുന്ന കണ്ണൂരിലെ നിസാം അബ്ദുൽ ഗഫൂറിന്റെ സംഘം വീണ്ടും സജീവമായതായി സൂചന. 1.950 കിലോഗ്രാം എംഡിഎംഎ പിടിച്ചെടുത്ത കേസിൽ നിസാമും സ്ത്രീകളടക്കം മറ്റ് 10 പേരും റിമാൻഡിലാണ്. ബെംഗളൂരുവിൽ നിന്ന് ഇതേ സംഘത്തിന് എംഡിഎംഎ ലഭിക്കുന്നതായാണു പൊലീസിനു ലഭിക്കുന്ന വിവരം. ജയിലിൽ നിന്ന് നിസാം സംഘത്തെ നിയന്ത്രിക്കുന്നതായും സംശയമുണ്ട്.കണ്ണൂർ∙ ലഹരിമരുന്ന് അന്വേഷണ ഏജൻസികൾ പിടികൂടുമ്പോഴെല്ലാം വിപണിയിൽ സംഘങ്ങൾ കൃത്രിമമായി വില കൂട്ടുന്നുണ്ടെന്ന് എക്സൈസ്. ലഹരിമരുന്നു പിടികൂടിയതിന്റെ വാർത്തകൾ ചൂണ്ടിക്കാട്ടിയാണ്, ഉപയോക്താക്കളെ പറ്റിക്കുന്നത്.

കണ്ണൂർ ജില്ലയിൽ ലഹരിമരുന്നു കേസുകളിലും പിടിച്ചെടുക്കുന്ന ലഹരിവസ്തുക്കളുടെ അളവിലും വൻ വർധന. എംഡിഎംഎ ഉൾപ്പെടെയുള്ള രാസലഹരിമരുന്നുകൾ വൻ തോതിൽ ജില്ലയിൽ എത്തുന്നതായി, പൊലീസ്, എക്സൈസ് എന്നീ ഏജൻസികളുടെ കണക്കുകൾ വ്യക്തമാക്കുന്നു.521 കേസുകളിലായി 587 പ്രതികളാണ് 2021 ജനുവരി മുതൽ ഡിസംബർ വരെ പൊലീസിന്റെയും എക്സൈസിന്റെയും പിടിയിലായതെങ്കിൽ ഇക്കൊല്ലം സെപ്റ്റംബർ 30 വരെ മാത്രം 1676 കേസുകളിലായി 1792 പേർ അറസ്റ്റിലായിക്കഴിഞ്ഞു.

മൂന്നു മടങ്ങിലേറെ വർധനവാണുണ്ടായിരിക്കുന്നത്. പിടികൂടിയ ലഹരിവസ്തുക്കളുടെ അളവിലും ഈ വർധന പ്രകടമാണ്. 2021ൽ പിടിച്ചെടുത്ത, മാരകമായ രാസലഹരിമരുന്നായ എംഡിഎംഎയുടെ (മെത്തിലിൻ ഡയോക്സി മെതാംഫിറ്റമിൻ) അളവ് 189.912 ഗ്രാമാണെങ്കിൽ ഇക്കൊല്ലം 9 മാസത്തിനിടെ പിടിച്ചെടുത്തത് 2.217 കിലോഗ്രാം ആണ്. വർധന 12 മടങ്ങിലേറെ! ഇക്കൊല്ലം എക്സൈസ് പിടിച്ചെടുത്ത മാരക ലഹരിമരുന്നുകളിൽ 1.828 കിലോഗ്രാം മെതാംഫിറ്റമിനുമുണ്ടെന്നതു ലഹരിമരുന്നു വ്യാപനത്തിന്റെ തീവ്രത വ്യക്തമാക്കുന്നു. പിടിച്ചെടുത്ത കഞ്ചാവിന്റെ അളവിൽ താരതമ്യേനെ കുറവുണ്ട്. 2021ൽ 342.599 കിലോഗ്രാം പിടിച്ചെടുത്തപ്പോൾ, ഇക്കൊല്ലം ഇത് 134.27 കിലോഗ്രാമാണ്.

കണ്ണൂർ ജില്ലയിലെ ലഹരിമരുന്ന് കേസുകൾ 2021

കണ്ണൂർ സിറ്റി പൊലീസ് ജില്ല കേസുകൾ 93,അറസ്റ്റ് 127

എംഡിഎംഎ 21.292 ഗ്രാം
കഞ്ചാവ് 43.280 കിലോഗ്രാം
ഹഷീഷ് ഓയിൽ 55.147 ഗ്രാം
കഞ്ചാവ് ബീഡി 70 എണ്ണം

കേസുകൾ 45 അറസ്റ്റ് 66

എംഡിഎംഎ 5.85 ഗ്രാം
കഞ്ചാവ് 7.429 കിലോഗ്രാം
കഞ്ചാവ് ബീഡി 39 എണ്ണം

എക്സൈസ് കേസുകൾ 383.അറസ്റ്റ് 394

എംഡിഎംഎ 162.77 ഗ്രാം
ഹഷീഷ് ഓയിൽ 459.37 ഗ്രാം
കഞ്ചാവ് 291.89 കിലോഗ്രാം
കഞ്ചാവ് ചെടി 87 എണ്ണം
എൽഎസ്ഡി 0.697 ഗ്രാം
ഗുളികകൾ – 279.6 ഗ്രാം

കേസുകൾ 873,അറസ്റ്റ് 948

എംഡിഎംഎ 2.109 കിലോഗ്രാം
കഞ്ചാവ് 68.023 കിലോഗ്രാം
ഹഷീഷ് ഓയിൽ 120.76 ഗ്രാം
ഹഷീഷ് 4.01 ഗ്രാം
കഞ്ചാവ് ബീഡി 510 എണ്ണം
എൽഎസ്ഡി സ്റ്റാംപ് 227 എണ്ണം
ഗുളികകൾ 78

പൊലീസ് കേസുകൾ 438,അറസ്റ്റ് 472

എംഡിഎംഎ 63.193 ഗ്രാം
ബ്രൗൺ ഷുഗർ 15.7 ഗ്രാം
കഞ്ചാവ് 2.097 കിലോഗ്രാം
ഹഷീഷ് 6 ഗ്രാം
ഹഷീഷ് ഓയിൽ 9.54 ഗ്രാം
കഞ്ചാവ് ബീഡി 328 എണ്ണം

കേസുകൾ 365,അറസ്റ്റ് 372

എംഡിഎംഎ 45.173 ഗ്രാം
ഹെറോയിൻ 10 ഗ്രാം
ബ്രൗൺഷുഗർ 0.368 ഗ്രാം
മെതാംഫിറ്റമിൻ 1.828 കിലോഗ്രാം
ചരസ് 36 ഗ്രാം
കഞ്ചാവ് 64.15 കിലോഗ്രാം
ഹഷീഷ് ഓയിൽ 1.006 കിലോഗ്രാം
കഞ്ചാവ് ചെടി 10 എണ്ണം
എൽഎസ്ഡി 1.794 ഗ്രാം