കണ്ണൂർ:എക്‌സൈസ് ഇൻസ്‌പെക്ടർ സിനു കോയില്യത്തിന്റെ നേതൃത്വത്തിൽ തോട്ടട ഭാഗത്ത് വാഹനപരിശോധനയിൽ കാറിൽ കടത്തുകയായിരുന്ന മയക്കുമരുന്നുമായി യുവാവിനെ അറസ്റ്റ് ചെയ്തു.

കോട്ടയംപൊയിൽ പത്തായക്കുന്ന് സ്വദേശി ഉമ നിവാസിൽ കെ.മുഹമ്മദ് ഷാനിലിനെയാണ്(29) 191 എൽ.എസ്.ഡി.സ്റ്റാമ്പും 6.443 ഗ്രാം എം.ഡി.എം.എയുമായി പിടികൂടിയത്.

കണ്ണൂരിലെ വിവിധ പ്രദേശങ്ങളിൽ മയക്കുമരുന്ന് വിതരണം ചെയ്യുന്ന കണ്ണികളിൽ പ്രധാനിയാണ് മുഹമ്മദ് നിഷാലെന്ന് എക്‌സൈസ് പറഞ്ഞു.കൊറിയർ വഴിയാണ് പ്രതിക്ക് മയക്കുമരുന്ന് ലഭിക്കുന്നത്.നിഷാൽ ജോലി ചെയ്യുന്ന സ്ഥാപനത്തിന്റെ അഡ്രസ്സിലാണ് കൊറിയർ വരുന്നത്. ലക്ഷങ്ങൾവിലവരുന്നതാണ് പിടിച്ചെടുത്ത മയക്കുമരുന്നുകൾ.10 വർഷം മുതൽ 20 വരെ കഠിന തടവും 1 ലക്ഷം മുതൽ 2 ലക്ഷം വരെ പിഴയും ലഭിക്കുന്ന കുറ്റമാണ്.

കണ്ണൂർ റെയിഞ്ച്എക്‌സൈസ് ഇൻസ്‌പെക്ടർ സിനു കോയില്യത്തിന്റെ നേതൃത്വത്തിലുള്ള എക്‌സൈസ് സംഘത്തിൽ പ്രിവന്റീവ് ഓഫീസർമാരായ എം.കെ.സന്തോഷ് , എൻ.വി പ്രവീൺ, സിവിൽ എക്‌സൈസ് ഓഫീസർമാരായ പി.പി. സുഹൈൽ,എൻ. രജിത്ത് കുമാർ ,സി.എച്ച്. റിഷാദ്, എം.സജിത്ത്, ടി. അനീഷ്, സീനിയർ എക്‌സൈസ് ഡ്രൈവർ സി. അജിത്ത്ഉത്തര മേഖല കമ്മീഷണർ സ്‌ക്വാഡംഗം പി. ജലീഷ് എന്നിവരുമുണ്ടായിരുന്നു.