കണ്ണൂർ: കൈത്തറി വസ്ത്രങ്ങളുടെയും കരകൗശല വസ്തുക്കളുടെയും ജുവലറി ഉത്പ്പന്നങ്ങളുടെയും വിസ്മയമൊരുക്കുന്ന രാജസ്ഥാൻ മേള കണ്ണൂരിന് വിസ്മയമാകുന്നു. ടൗൺ സ്‌ക്വയറിൽ നടക്കുന്ന മേള കാണാൻ നിരവധി പേരാണ് ദിവസവുമെത്തുന്നത്. വ്യത്യസ്തവും ഗുണനിലവാരവുമുള്ള ഉത്പ്പന്നങ്ങൾ ഇവിടെ ലഭിക്കുന്നുവെന്ന് മേളയിലെത്തുന്നവർ പറഞ്ഞു. ബെഡ് ഷീറ്റിനും ചുരിദാറിനും സാരികൾക്കുമടക്കം നിരവധി ആവശ്യക്കാരുണ്ട്. വ്യത്യസ്തമായ ആഭരണങ്ങളും മറ്റ് കരകൗശല ഉത്പ്പന്നങ്ങൾ വാങ്ങുന്നതിനും ആളുകളെത്തുന്നു. മറ്റെങ്ങും ലഭിക്കാത്ത ഉത്പ്പന്നങ്ങൾ മിതമായ നിരക്കിൽ രാജസ്ഥാൻ മേളയിൽ ലഭിക്കുന്നതാണ് പ്രത്യേകത.

ഭാരതത്തിന്റെ പാരമ്പര്യം വിളിച്ചോതുന്ന നെയ്ത്തു- ശിൽപ്പ കലാകാരൻമാരുടെ കൂട്ടായ്മ നിന്നുള്ള വ്യത്യസ്തവും വൈവിദ്ധ്യവുമാർന്ന കൈത്തറി കരകൗശല ഉത്പ്പന്നങ്ങൾ സന്ദർശകരെ ആകർഷിക്കുന്നു. വിവിധ സംസ്ഥാനങ്ങളിൽ നിന്നുള്ള കലാകാരന്മാരുടെ ഉത്പ്പന്നങ്ങൾ 45ൽ പരം സ്​റ്റാളുകളിലായി പ്രദർശിപ്പിക്കുന്നു. ബ്ലോക്ക് പ്രിന്റ് ഡ്രസ്സ് മെ​റ്റീരിയലുകൾ, സ്യൂട്ട്‌സ്, ടോപ്പ്, പ്രിന്റഡ് ആൻഡ് ട്രഡീഷണൽ ബെഡ്ഷീ​റ്റുകൾ, വിവിധ അളവിലുള്ള ബെഡ്ഡുകൾ, രാജസ്ഥാനിൽ നിന്നുള്ള സങ്കനേരി സാരികൾ, വെസ്​റ്റ് ബംഗാളിൽ നിന്നും കാന്ദ വർക്ക്, കൊൽക്കത്തയിൽ നിന്നുള്ള ദോപിയാൻ, ബാലുച്ചേരി ബോട്ടിക് സാരികൾ, ചത്തീസ്ഘഡിൽ നിന്നുള്ള ടസ്റ മഡ്ക ആൻഡ് സിൽക് സാരികൾ, തെലുങ്കാനയിൽ നിന്നുള്ള പോച്ചാംപള്ളി സാരികൾ, ഇക്കാത്ത് ടോപ്‌സ്, ഇക്കാത്ത് ചൂരിദാറുകൾ, ഡ്രസ് മെ​റ്റീരിയലുകൾ, കലംകാരി, ഉത്തർപ്രദേശിൽ നിന്നുള്ള ബനാറസ്, സമ്പാനി, സിൽക് സാരികൾ, മധുര ചുങ്ക്ടി സാരികൾ, ഡ്രസ് മെ​റ്റീരിയലുകൾ, പില്ലോ കവറുകൾ, സോഫ കവറുകൾ, സോഫ ബാക്ക്, ചന്ദേരി, മഹേശ്വരി സാരികൾ, ബിഹാറിൽ നിന്നുള്ള ഡ്രസ് മെ​റ്റീരിയലുകൾ, കോട്ടൺ ആൻഡ് സിൽക് സാരികൾ, ഗുജറാത്തിൽ നിന്നുള്ള ബാന്ദ്‌നി, കൂടാതെ കട്ട് ബുജ് ഐ​റ്റംസുകളും മേളയിൽ ലഭിക്കും.ഇതോടൊപ്പം ജയ്പൂർ ഹാൻഡ് ബ്ലോക്ക് ഫാബ്രിക്, ടോപ്‌സ്, കാശ്മീരി സാരീസ്, ഭഗൽപൂർ ഹാന്റ്‌ലൂം, ഗുജറാത്ത് പ്രിന്റഡ് ഐ​റ്റംസ്, രാജസ്ഥാൻ കുർത്തി, ജയ്പൂർ ഹാന്റ് ബാഗുകൾ, വൈ​റ്റ് മെ​റ്റൽ, ഹാന്റ്‌മെയ്ഡ് മാ​റ്റ് വിത്ത് ബെഡ്, ലതർ ബാഗുകൾ, പേഴ്‌സുകൾ, ചെന്നപട്ടണ ടോയ്‌സ് എന്നിവ മേളയുടെ ആകർഷകങ്ങളാണ്. ജയ്പൂർ ഹാന്റ് ബ്ലോക്ക് ഷർട്ട്, പ്രഷ്യസ് ആൻഡ് സെമി പ്രഷ്യസ് ജംസ്, സ്‌​റ്റോൺ ജുവലറികൾ മേളയിലെ അത്യാകർഷകമായ ഉത്പ്പന്നങ്ങളാണ്. കേരളത്തിന്റെ തനതായ വീട്ടമ്മക്കാവശ്യമുള്ള അടുക്കള യിലേക്കുള്ള വിവിധ ഉത്പ്പന്നങ്ങളുടെ സ്​റ്റാളും ഇവിടെ ഒരുക്കിയിട്ടുണ്ട്. രാവിലെ 10 മുതൽ രാത്രി 9 വരെയാണ് പ്രദർശന സമയം. ഫോൺ :9602620310.