കുട്ടികളുടെ അശ്ലീല വീഡിയോ മൊബൈലില്‍; യുവാവ് അറസ്റ്റില്‍
കുട്ടികളുടെ അശ്ലീല വീഡിയോ ദൃശ്യങ്ങള്‍ ഡൗണ്‍ലോഡ് ചെയ്ത് മൊബൈല്‍ ഫോണുകളില്‍ സൂക്ഷിച്ച സംഭവത്തില്‍ യുവാവ് അറസ്റ്റില്‍. മലപ്പുറം വേങ്ങര സ്വദേശി അഞ്ചുകണ്ടന്‍ ഷാഫിയാണ് (28) അറസ്റ്റിലായത്.
പുതുക്കാട് എസ് എച്ച്.ഒ യു.എസ്. സുനില്‍ദാസിന്റെ നേതൃത്വത്തിലുള്ള പൊലീസ് സംഘമാണ് അറസ്റ്റ് ചെയ്തത്. ഇയാള്‍ക്കെതിരെ പോക്‌സോ നിയമപ്രകാരം കേസെടുത്തു. സംസ്ഥാന വ്യാപകമായി നടന്ന പരിശോധനയുടെ ഭാഗമായിരുന്നു നടപടി. മലപ്പുറം സൈബര്‍ സെല്ലില്‍ നിന്നുള്ള വിവരത്തെത്തുടര്‍ന്നാണ് അറസ്റ്റ്.
