Connect with us

Breaking News

മരണവീട്ടിലെ ചിരിച്ചിത്രം; അമ്മച്ചിയെ യാത്രയാക്കിയത്‌ സ്‌നേഹപരിചരണത്തോടെ

Published

on

Share our post

മല്ലപ്പള്ളി : മരണവീട്ടിൽ മൃതദേഹത്തിന് ചുറ്റുമിരുന്ന് ചിരിച്ച് ക്യാമറയ്ക്ക് പോസ് ചെയ്ത ചിത്രം സമൂഹമാധ്യമത്തിൽ ചർച്ചയായതോടെ വിശദീകരണംനൽകി കുടുംബം.

‘മരണവീട്ടിൽ കരച്ചിൽമാത്രം കണ്ടവരാണ് പരിഹസിക്കുന്നത്. ഒമ്പത് മക്കളുള്ള അമ്മച്ചി 95 വയസ്സുവരെ ജീവിച്ചു. മരിക്കുംമുമ്പ് എല്ലാവരുടെയും സ്നേഹവും കരുതലും ധാരാളം ലഭിച്ചു.

ബിഷപ്പും വൈദികരുമടങ്ങുന്ന കുടുംബമാണ്, ക്രിസ്തീയ പ്രത്യാശയോടെ പരേതരെ യാത്രയാക്കണം’ – വിമർശിക്കുന്നവരോട് പരാതിയില്ലെന്നും അടുത്തബന്ധു പറഞ്ഞു. മല്ലപ്പള്ളി പനവേലിൽ മറിയാമ്മ വർഗീസി(95)ന്റെ മൃതദേഹത്തിന്‌ സമീപമിരുന്നാണ്‌ ബന്ധുക്കൾ ചിത്രം എടുത്തത്‌. പരേതനായ വൈദികൻ പി.ഒ. വർഗീസിന്റെ ഭാര്യയാണ് മറിയാമ്മ. 

ഈ ചിത്രത്തിന് നെഗറ്റീവ് കമന്റുകൾ അല്ല വേണ്ടതെന്ന്‌ മന്ത്രി വി. ശിവൻകുട്ടി ഫെയ്സ്ബുക്കിൽ പ്രതികരിച്ചു. ‘ജീവിതത്തിലെ പരമമായ സത്യം മരണംതന്നെയാണ്. മരിച്ച ഒരു വ്യക്തിയെ കരഞ്ഞുകൊണ്ട് യാത്ര അയയ്‌ക്കുന്നതാണ് നാം സാധാരണ കാണാറുള്ളത്. സന്തോഷത്തോടെ ജീവിച്ചവർക്ക് പുഞ്ചിരിയോടെ യാത്രയയപ്പ് നൽകുന്നതിനേക്കാൾ സന്തോഷകരമായി മറ്റെന്താണ് ഉള്ളത്? ശിവൻകുട്ടി ഫെയ്‌സ്‌ബുക്കിൽ കുറിച്ചു.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!