ആറളത്ത് ആറാം ക്ലാസ്സുകാരൻ ബൈക്കോടിച്ചു;13500 രൂപ പിതാവ് പിഴയൊടുക്കി
ഇരിട്ടി: 12 കാരനായ മകൻ പൊതു നിരത്തിലൂടെ ബൈക്കോടിച്ചതിന് ബൈക്കുടമയായ പിതാവിന് പിഴശിക്ഷ. ആറളം ചെടിക്കുളത്തെ താഴേക്കാട്ട് യോഹന്നാനിൽ നിന്നുമാണ് ആറളം എസ്.ഐ പതിമൂവായിരത്തി അഞ്ഞൂറ് രൂപ പിഴയീടാക്കിയത്.
ആറാം ക്ലാസ് വിദ്യാർത്ഥിയായ 12 കാരൻ തൻ്റെ പിതാവിൻ്റെ ബൈക്കിൽ ആറളം -ചെടിക്കുളം റോഡിൽ ചുറ്റിയടിക്കുന്നത് ശ്രദ്ധയിൽ പെട്ട നാട്ടുകാരിൽ ചിലർ ഇത് മൊബൈൽ ഫോണിൽ ചിത്രീകരിച്ച് ആറളം എസ്.ഐ വി.വി. ശ്രീജേഷിന് കൈമാറുകയായിരുന്നു. തുടർന്ന് പോലീസെത്തി ബൈക്ക് കസ്റ്റഡിയിലെടുക്കുകയും ബൈക്കുടമയായ പിതാവിനെ സ്റ്റേഷനിലേക്ക് വിളിച്ചു വരുത്തുകയുമായിരുന്നു. ഇദ്ദേഹത്തെ താക്കീത് ചെയ്തശേഷം പതിമൂവായിരത്തി അഞ്ഞൂറ് രൂപ പിഴയിടാക്കി ബൈക്ക് വിട്ടുനൽകുകയും ചെയ്തു.
