‘ആർക്കും പാടാം’ ഗാനോത്സവത്തിന് അപേക്ഷിക്കാം
ആസാദി കാ അമൃത് മഹോത്സവിന്റെ ഭാഗമായി ഭാരത് ഭവൻ ദശദിന സാംസ്‌കാരിക വിരുന്ന് സംഘടിപ്പിക്കുന്നു. ഓഗസ്റ്റ് ആറു മുതൽ 15 വരെ ഭാരത് ഭവൻ ഹൈക്യൂ തിയേറ്ററിലാണ് പരിപാടി നടക്കുക.
ഓഗസ്റ്റ് എട്ടിന് ‘ആർക്കും പാടാം’ എന്നപേരിൽ സംഘടിപ്പിക്കുന്ന ഇന്ത്യൻ ചലച്ചിത്രങ്ങളിലെ ദേശീയ ഗാനാലാപനത്തിൽ പങ്കെടുക്കാൻ ആഗ്രഹിക്കുന്നവർക്കും ദേശീയത പ്രമേയമാക്കി 10നു നടക്കുന്ന സംഘഗാന മത്സരങ്ങളിൽ പങ്കെടുക്കാൻ ആഗ്രഹിക്കുന്ന സർക്കാർ സർവീസിലെ സാംസ്‌കാരിക കൂട്ടായ്മകൾ, സ്വകാര്യ സാംസ്‌കാരിക കൂട്ടായ്മകൾ എന്നിവർക്കും അപേക്ഷിക്കാം.
താത്പര്യമുള്ളവർ മെമ്പർ സെക്രട്ടറി, ഭാരത് ഭവൻ, തൃപ്തി ബംഗാവ്, തൈയ്ക്കാട് പി.ഒ. എന്ന വിലാസത്തിലോ bharathbhavankerala@gmail.com എന്ന ഇ-മെയിൽ വിലാസത്തിലോ അപേക്ഷകൾ ഓഗസ്റ്റ് അഞ്ചിനകം നൽകണം. വിവരങ്ങൾക്ക് ഫോൺ: 0471-4000282.
