തളിപ്പറമ്പിൽ സ്വകാര്യ ബസ് അടിച്ചു തകർത്തു
തളിപ്പറമ്പ്: ഏഴാം മെയിലിൽ സർവീസ് കഴിഞ്ഞ് പാർക്ക്‌ ചെയ്തിട്ട സ്വകാര്യ ബസ്സിന് നേരെ ആക്രമണം. ബസ്സിന്റെ മുൻവശത്തെ ചില്ലുകൾ അടിച്ചു തകർത്തു. ചൊവ്വാഴ്ച രാത്രിയായിരുന്നു സംഭവം. ഞായറാഴ്ച രാവിലെ 7.15 ന് തളിപ്പറമ്പില്‍ നിന്ന് ആലക്കോടേക്ക് സര്‍വീസ് നടത്തേണ്ടിയിരുന്ന കെ.എല്‍ 60 ബി 1609 തപസ്യ ബസിന് നേരെയാണ് അക്രമണമുണ്ടായത്. ജീവനക്കാര്‍ രാവിലെ ബസെടുക്കാന്‍ ചെന്നപ്പോഴാണ് ചില്ലുകള്‍ തകര്‍ത്തതായി കണ്ടത്. തളിപ്പറമ്പ് പോലീസ് സ്ഥലത്തെത്തി സി.സി ടിവി ദൃശ്യങ്ങള്‍ പരിശോധിച്ചു വരികയാണ്. ബസ്സുടമ അപ്പു ജയേഷിന്റെ പരാതില്‍ പോലീസ് കേസെടുത്തിട്ടുണ്ട്.
