ഓണത്തിന് പച്ചക്കറിയൊരുക്കാൻ വിദ്യാർഥികൾക്ക് വിത്തുപേന
ഓണത്തിന് പച്ചക്കറിയൊരുക്കാനായി കർഷകദിനത്തിൽ കടമ്പേരി ജി.യു.പി. സ്കൂളിലെ 200-ൽപരം വിദ്യാർഥികൾ അവരുടെ ഗൃഹാങ്കണങ്ങിൽ വിളവിറക്കും.
എല്ലാ വിദ്യാർഥികളും പേന ഉപയോഗിച്ച് തീർന്നാൽ വിത്തുകൾ ലഭിക്കും. ഈ വിത്തുകളാണ് 17-ന് വീടുകളിലാകെ നടുക.
പരിപാടി നഗരസഭാ ചെയർമാൻ പി. മുകുന്ദൻ ഉദ്ഘാടനം ചെയ്തു. ആന്തൂർ കൃഷി ഓഫീസർ ടി.ഒ. വിനോദ്കുമാർ, കെ. ആഷിക് എന്നിവർ സംസാരിച്ചു. കെ. ബ്രോജൻ പരിപാടി വിശദീകരിച്ചു.
