ഗ്രാമീണ നാടക സമഗ്രസംഭാവനാ പുരസ്കാരം: അപേക്ഷ ക്ഷണിച്ചു
തിരുവനന്തപുരം: ഭാരത് ഭവനിലെ ഗ്രാമീണ നാടക സമഗ്ര സംഭാവനാ പുരസ്കാരത്തിനും നാടകരചയിതാവ് മധു കൊട്ടാരത്തിന്റെ പേരിൽ ഏർപ്പെടുത്തുന്ന ഗ്രാമീണ നാടക രചനാ പുരസ്കാരത്തിനും അപേക്ഷകൾ ക്ഷണിച്ചു.
20001 രൂപ ക്യാഷ് അവാർഡും ഫലകവും പ്രശസ്തിപത്രവും അടങ്ങുന്നതാണ് പുരസ്കാരം. 10001 രൂപ ക്യാഷ് അവാർഡും ഫലകവും പ്രശസ്തി പത്രവും അടങ്ങുന്നതാണ് നാടക രചനാ പുരസ്കാരം. അപേക്ഷകർക്ക് പ്രായപരിധി ബാധകമല്ല. ജൂലായ് 25-നകം വിശദമായ ബയോഡേറ്റ സഹിതം നോമിനേഷനുകളോ/അപേക്ഷകളോ മെമ്പർ സെക്രട്ടറി, ഭാരത് ഭവൻ, തൈക്കാട് പി.ഒ., തിരുവനന്തപുരം 14 എന്ന വിലാസത്തിലോ bharatbhavankerala@gmail.com എന്ന ഇ-മെയിൽ വിലാസത്തിലോ സമർപ്പിക്കാം.
