പത്താമത് സൗത്ത് ഇന്ത്യൻ സീനിയർ റെസലിങ് ചാമ്പ്യൻഷിപ്പിൽ കേളകം സ്വദേശിക്ക് വെള്ളി മെഡൽ
സേലം : തമിഴ്നാട്ടിലെ സേലത്ത് നടന്ന പത്താമത് സൗത്ത് ഇന്ത്യൻ സീനിയർ റെസ്‌ലിങ് (ഗുസ്തി) ചാമ്പ്യൻഷിപ്പിൽ കേളകം അടക്കാത്തോട് സ്വദേശിക്ക് വെള്ളി മെഡൽ. അടക്കാത്തോട് കല്ലുകുളങ്ങര അലൻ രാജാണ് (20) മെഡൽ നേടിയത്. കണ്ണൂർ എസ്.എൻ കോളേജ് ഒന്നാം വർഷ ഡിഗ്രി വിദ്യാർത്ഥിയായ അലൻ തുടർച്ചയായി അഞ്ച് വർഷം സ്വർണ്ണ മെഡൽ നേടിയിട്ടുണ്ട്. കല്ലുകളങ്ങര കെ.കെ.രാജന്റേയും ഷിമിതയുടേയും മകനാണ്. ആഞ്ജലിൻ രാജ്, ആൻട്രീസ രാജ് സഹോദരങ്ങളാണ്.
