Connect with us

Breaking News

പേരാവൂർ-പുതുശ്ശേരി-പെരുമ്പുന്ന വഴി ബസ് സർവീസ് വേണമെന്നാവശ്യം

Published

on

Share our post

പേരാവൂർ : ഇരിട്ടിയിൽ നിന്ന് ഹാജി റോഡ് അയ്യപ്പൻകാവ്-പാലപ്പുഴ-പെരുമ്പുന്ന-പുതുശ്ശേരി വഴി പേരാവൂരിലേക്ക് ബസ് റൂട്ട് അനുവദിക്കണമെന്നാവശ്യം. ഇത് സംബന്ധിച്ച് പ്രസ്തുത പ്രദേശങ്ങളിലുള്ളവർ ബന്ധപ്പെട്ട അധികൃതർക്ക് നിവേദനം നല്കാനുള്ള തയ്യാറെടുപ്പിലാണ്.

പേരാവൂരിൽ നിന്ന് കാക്കയങ്ങാട് – വിളക്കോട് വഴിയാണ് ഇരിട്ടിയിലേക്ക് ബസ് സർവീസ് നിലവിലുള്ളത്. ഇതിന് സമാന്തരമായി മുഴക്കുന്ന്- പേരാവൂർ പഞ്ചായത്തുകളിലൂടെ കടന്നു പോകുന്ന മലയോര ഹൈവേ വഴി ആറളം ഫാമിനോട് ചേർന്ന് പേരാവൂരിൽ നിന്ന് ഇരിട്ടിയിലേക്ക് റോഡുണ്ടെങ്കിലും പൊതുഗതാഗത സംവിധാനമില്ല. ഈ ഭാഗങ്ങളിലെ വിദ്യാർഥികൾ ഉൾപ്പെടെയുള്ളവർക്ക് പേരാവൂർ, ഇരിട്ടി ടൗണുകളിൽ എത്താൻ യാത്രാക്ലേശമുണ്ട്.

ആറളം ഫാമിലെ പട്ടികവർഗ വിഭാഗങ്ങൾ പേരാവൂർ താലൂക്കാസ്പതിയിലെത്താനും പ്രയാസപ്പെടുന്നുണ്ട്. മലയോര ഹൈവേ സ്പർശിച്ചു പോകുന്ന പാതയോരത്തെ ധാരാളം യാത്രക്കാർക്ക് ഇതുവഴിയുള്ള ബസ് സർവീസ് ഉപയോഗപ്രദമാകും. ജനങ്ങളുടെ യാത്രാക്ലേശത്തിനു പരിഹാരം കാണുന്നതിനുവേണ്ടി ഇതുവഴി പുതിയ ബസ് സർവീസ് അനുവദിക്കുകയോ അല്ലെങ്കിൽ കണ്ണൂർ-ഇരിട്ടി -പേരാവൂർ -കൊട്ടിയൂർ-മാനന്തവാടി റൂട്ടിൽ ഓടുന്ന ഏതാനും ബസ്സുകൾ ഇതുവഴി തിരിച്ചുവിടുകയോ ചെയ്യണമെന്നാണ് പ്രദേശവാസികളുടെ ആവശ്യം. കെ.എസ്.ആർ.ടി.സിക്ക് അധിക ബാധ്യതയില്ലാതെ തന്നെ പ്രശ്‌ന പരിഹാരം സാധ്യമാവുമെന്നും നാട്ടുകാർ പറയുന്നു.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!