ചിപ്പിക്കൂണ്‍ പൗഡറിനൊപ്പം ചോളപ്പൊടിയും മണിച്ചോളം, ചാമ, റാഗി, കമ്പ് (ബജ്‌റ) എന്നിങ്ങനെ നാല് ഇനം പോഷകധാന്യങ്ങള്‍ ചേര്‍ത്താണ് കുക്കീസ് ഉണ്ടാക്കുന്നത്. ചിപ്പിക്കൂണ്‍ പ്രോട്ടീന്‍, ഭക്ഷ്യനാര്, ഇരുമ്പ്, വിറ്റാമിന്‍ ബി, ഡി, പൊട്ടാസ്യം, ഫോസ്ഫറസ്, സെലീനിയം, കോപ്പര്‍ എന്നിവയുടെ നല്ല സ്രോതസ്സാണ്. കൂടാതെ പൊളിസാക്കറൈഡുകളും ‘എര്‍ഗോതയോനീന്‍’ എന്ന നിരോക്‌സീകാരിയും ഇതിലുണ്ട്.

രോഗപ്രതിരോധശേഷിയേകാനും കാന്‍സറിനെതിരേ പ്രതിരോധം നല്‍കാനും ഇവയ്ക്കാവും. കുറഞ്ഞ കലോറിമൂല്യം, കൊഴുപ്പ്, പഞ്ചസാരയുടെ അസാന്നിധ്യം എന്നീ സവിശേഷതകള്‍ കൊളസ്ട്രോള്‍, ട്രൈഗ്ലിസറൈഡ്, ബ്ലഡ് ഷുഗര്‍ എന്നിവ കുറയ്ക്കാന്‍ സഹായകരമാണ്. ധാന്യങ്ങളില്‍ അടങ്ങിയിട്ടില്ലാത്ത പല പോഷകങ്ങളും ഭക്ഷ്യനാരുമൊക്കെ പോഷകധാന്യങ്ങളിലുണ്ട്. ഇവയുടെ രണ്ടിന്റെയും ഗുണങ്ങള്‍ ഒത്തുചേര്‍ന്ന കുക്കീസ് ശരിക്കും ഔഷധത്തിന്റെ ഫലംചെയ്യും.

മികച്ച വിപണനസാധ്യതയുള്ള കൂണ്‍-പോഷകധാന്യ കുക്കീസിന്റെ നിര്‍മാണം നല്ലൊരു സംരംഭമായി ഏറ്റെടുക്കാം. ഈ അഞ്ചിനം കുക്കീസിന്റെയും നിര്‍മാണരീതി ലഭ്യമാക്കുന്നതിന് 15,000 രൂപയാണ് ലൈസന്‍സ് ഫീസ്. വെവ്വേറെയാണെങ്കില്‍ ഒന്നിന് 4000 രൂപയും. പരിശീലനത്തിനുള്ള ചെലവും ഇതിലുള്‍പ്പെടും.

വിവരങ്ങള്‍ക്ക്: itmu.iihr@icar.gov.in