തിരുവനന്തപുരം : സാങ്കേതിക സർവകലാശാലയിൽ 7, 9 സെമസ്റ്റർ ഇന്റഗ്രേറ്റഡ് എം.സി.എ റഗുലർ ക്ലാസുകൾ 27ന് ആരംഭിക്കും. മൂന്നാം സെമസ്റ്റർ ഇന്റഗ്രേറ്റഡ് എം.സി.എ, എം.സി.എ ക്ലാസുകൾ ജൂലൈ 18 നും മൂന്നാം സെമസ്റ്റർ എം.ബി.എ ക്ലാസുകൾ ഓഗസ്റ്റ് 29 നും ആരംഭിക്കും. ഒൻപതാം സെമസ്റ്റർ ബി ആർക് ക്ലാസുകളും ഏഴാം സെമസ്റ്റർ ബാച്‍ലർ ഓഫ് ഡിസൈൻ (ബിഡെസ്) ക്ലാസുകളും യഥാക്രമം ജൂലൈ 4, ഒക്ടോബർ 3 തീയതികളിൽ ആരംഭിക്കും. ഏഴാം സെമസ്റ്റർ ബി ഡെസ് വിദ്യാർഥികളുടെ മൂന്ന് മാസത്തെ ഇന്റേൺഷിപ് ജൂലൈ 1 മുതലും മൂന്നാം സെമസ്റ്റർ എം.ബി.എ വിദ്യാർഥികളുടെ ഇന്റേൺഷിപ് ഈ മാസം 13നും ആരംഭിക്കും.

ബി-ടെക് (റഗുലർ, പാർട് ടൈം) അവസാന സെമസ്റ്റർ പരീക്ഷകൾ ഈ മാസം 15ന് ആരംഭിക്കും. ടൈംടേബിൾ സർവകലാശാല വെബ്‌സൈറ്റായ www.ktu.edu.in  ൽ പ്രസിദ്ധീകരിച്ചിട്ടുണ്ട്. ബി-ആർക് മൂന്ന്, അഞ്ച് സെമസ്റ്ററുകളിലെ ജൂറി സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു.

അതോടൊപ്പം ഒന്നാം സെമസ്റ്റർ ബിഡെസ് ജൂറി (സപ്ലിമെന്ററി), അഞ്ചാം സെമസ്റ്റർ ജൂറി പരീക്ഷാ ഫലങ്ങളും പ്രസിദ്ധീകരിച്ചിട്ടുണ്ട്. വിശദ ഫലങ്ങൾ സർവകലാശാല വെബ്സൈറ്റിലെ ‘ഫലങ്ങൾ’ ടാബിന് കീഴിലും, വിദ്യാർഥികളുടെയും കോളജിന്റെയും ലോഗിനുകളിലും ലഭ്യമാണ്. മൂന്നാം സെമസ്റ്റർ എം.സി.എ ഇന്റഗ്രേറ്റഡ് സപ്ലിമെന്ററി പരീക്ഷാഫലവും ‘ഫലം’ ടാബിലും വിദ്യാർഥികളുടെയും കോളജുകളുടെയും ലോഗിനുകളിലും ലഭ്യമാണ്. ഉത്തരക്കടലാസുകളുടെ പകർപ്പിന് 16 വരെ പോർട്ടൽ വഴി അപേക്ഷിക്കാം.