ഇരിട്ടി : പായം ഗവ. യു.പി. സ്‌കൂളിന് എസ്.എസ്.കെ. അനുവദിച്ച വർണക്കൂടാരം പദ്ധതിയിൽ ഉൾപ്പെട്ട പ്രീ പ്രൈമറി ശിശുസൗഹൃദ പാർക്കിന്റെയും സ്മാർട്ട് ക്ലാസ് മുറിയുടെയും ഉദ്ഘാടനം നടത്തി. പായം ഗ്രാമപ്പഞ്ചായത്ത് പ്രസിഡന്റ് പി. രജനിയുടെ അധ്യക്ഷതയിൽ ഡോ. വി. ശിവദാസൻ എം.പി. പാർക്ക് ഉദ്ഘാടനം ചെയ്തു. സ്മാർട്ട് ക്ലാസ് മുറി ഉദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബിനോയി കുര്യൻ നിർവഹിച്ചു. പ്രഥമാധ്യാപകൻ കെ. അബ്ദുള്ള റിപ്പോർട്ട് അവതരിപ്പിച്ചു. ഇരിട്ടി ബി.പി.സി. ടി.എം. തുളസീധരൻ ഉപഹാര സമർപ്പണം നടത്തി. എസ്.എസ്.കെ. ജില്ലാ പ്രോജക്ട് കോ ഓർഡിനേറ്റർ ഇ.സി. വിനോദ് പദ്ധതി വിശദീകരിച്ചു.

പായം പഞ്ചായത്ത് വൈസ് പ്രസിഡന്റ് എം. വിനോദ്കുമാർ, ഇരിട്ടി ബ്ലോക്ക് പഞ്ചായത്തംഗം പദ്‌മാവതി, ആരോഗ്യ-വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്‌സൺ വി. പ്രമീള, പായം ഗ്രാമപ്പഞ്ചായത്ത് അംഗം പങ്കജാക്ഷി, ഡി.പി.ഒ. ഡോ. രമേശൻ കടൂർ, പി.ടി.എ. പ്രസിഡന്റ് സുരേഷ് ബാബു, വൈസ് പ്രസിഡന്റ് ഷിതു കരിയാൽ, മദർ പി.ടി.എ. പ്രസിഡന്റ് സീമ വിനോദ്, വി. മുകുന്ദൻ തുടങ്ങിയവർ സംസാരിച്ചു.