കേളകം : പഞ്ചായത്തിൽ ബാവലിപ്പുഴയും തോടുകളും ശുചീകരിക്കുന്നതിന്റെ ഭാഗമായും മഴക്കാലപൂർവ ശുചീകരണ പ്രവർത്തനങ്ങളുടെ ഭാഗമായുള്ള സംഘാടകസമിതി യോഗം ചേർന്നു. ‘തെളിനീരൊഴുകും നവകേരളം’ പദ്ധതിയുടെ ഭാഗമായിട്ടായിരുന്നു യോഗം.

പഞ്ചായത്ത് പ്രസിഡൻറ് റോയി നമ്പുടാകം അധ്യക്ഷത വഹിച്ചു. പഞ്ചായത്ത് വൈസ് പ്രസിഡൻറ് ഫിലോമിന ജോർജ്, സ്ഥിരംസമിതി അംഗങ്ങളായ ഉഷ അശോക് കുമാർ, ഷാജി പൊട്ടയിൽ, പഞ്ചായത്തംഗളായ പി.സി. തോമസ്, ബാബു കാരുവേലിൽ, ലൈസ തടത്തേൽ, ബാബു മാങ്കോട്ടിൽ, ഷേർലി, കൃഷി ഓഫീസർ വിനോദ് തുടങ്ങിയവർ സംസാരിച്ചു. 26-ന് പുഴ നടത്തവും 29-ന് പൊതുശുചീകരണവും നടത്താൻ യോഗം തീരുമാനിച്ചു.

കേളകം, കണിച്ചാർ പഞ്ചായത്തുകളിലും സംഘാടകസമിതി യോഗങ്ങൾ ചേർന്നു. കണിച്ചാർ പഞ്ചായത്തിൽ യോഗത്തിന് പഞ്ചായത്ത് പ്രസിഡന്റ് ആന്റണി സെബാസ്റ്റ്യൻ അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ഷാന്റി തോമസ്, പഞ്ചായത്ത് സെക്രട്ടറി എൻ. പ്രദീപൻ, പഞ്ചായത്തംഗങ്ങൾ, ആരോഗ്യവകുപ്പ്, കൃഷിവകുപ്പ്, വില്ലേജ് അധികൃതർ, കുടുംബശ്രീ അംഗങ്ങൾ എന്നിവർ പങ്കെടുത്തു. വാർഡ് അംഗത്തിന്റെ നേതൃത്വത്തിൽ വാർഡ് തലങ്ങളിൽ സംഘാടകസമിതികൾ രൂപവത്കരിക്കും. ഇതിന്റെ ഭാഗമായി പുഴനടത്തം, ജലസഭ എന്നിവ 25-ന് നടത്തും.

കേളകം പഞ്ചായത്തുതല സംഘാടകസമിതിയോഗം പഞ്ചായത്ത് പ്രസിഡൻറ് സി.ടി. അനീഷ് അധ്യക്ഷത വഹിച്ചു. വെസ് പ്രസിഡൻറ് തങ്കമ്മ സ്കറിയ, പഞ്ചായത്തംഗങ്ങളായ ടോമി പുളിക്കക്കണ്ടം, ബിജു ചാക്കോ, വ്യാപാര വ്യവസായി ഏകോപന സമിതി യൂണിറ്റ് പ്രസിഡൻറ് ജോർജ്കുട്ടി വാളുവെട്ടിക്കൽ തുടങ്ങിയവർ പങ്കെടുത്തു. വാർഡ് തലങ്ങളിൽ സംഘാടകസമിതികൾ രൂപവത്കരിക്കും. തോടുകളിലും പുഴകളിലും ജലനടത്തം, ജലസഭ എന്നിവ 26-ന് നടത്താനും യോഗം തീരുമാനിച്ചു.