Breaking News
കൈത്തറി ഗ്രാമമാകാൻ തയാറെടുത്ത് മാങ്ങാട്ടിടം പഞ്ചായത്ത്

കൂത്തുപറമ്പ് : കൈത്തറി ഗ്രാമമെന്ന ഖ്യാതിയിലേക്ക് മാങ്ങാട്ടിടം നടന്നടുക്കുന്നു. ഓരോ ഇഴകളിലൂടെയും ഇവിടുത്തെ വനിതകൾ നെയ്തെടുക്കുന്നത് സ്വന്തം ജീവിതം മാത്രമല്ല കുടുംബ ഭദ്രത കൂടിയാണ്. സംസ്ഥാന കൈത്തറി വികസന കോർപ്പറേഷനിലൂടെ (ഹാൻവീവ്) സംസ്ഥാന സർക്കാർ നടപ്പാക്കുന്ന ഒറ്റത്തറി പദ്ധതി വഴി മാങ്ങാട്ടിടം പഞ്ചായത്തിലെ കൈത്തറി ഗ്രാമം പദ്ധതി യാഥാർഥ്യത്തിലെത്തി നിൽക്കുന്നു. പഞ്ചായത്തിൽ ആദ്യ ഘട്ടത്തിൽ മാങ്ങാട്ടിടത്ത് 175യും രണ്ടാം ഘട്ടം ശങ്കരനെല്ലൂരിൽ 150യും വനിതകളെ പരിശീലിപ്പിച്ചാണ് 325 പേർ വനിതാ ശാക്തീകരണ പദ്ധതിയുടെ ഭാഗമായി ജീവിതം കരുപ്പിടിപ്പിക്കുന്നത്. കൂടുതൽ പേരെ പദ്ധതിയുടെ ഭാഗമാക്കാനുള്ള പ്രവർത്തനവും ഹാൻവീവിൻ്റെ ഭാഗത്തുണ്ട്.
മാങ്ങാട്ടിടത്തേത് ഉൾപ്പെടെ മട്ടന്നൂർ മണ്ഡലത്തിൽ 3 യൂണിറ്റുകൾ പ്രവൃത്തിക്കുന്നുണ്ട്. കോളയാട് 200 വനിതകൾ ഈ പദ്ധതിയുടെ ഭാഗമായി സ്വന്തം വീടുകളിൽ തൊഴിൽ ചെയ്യുന്നുണ്ട്. ജില്ലയിൽ പായത്തും ചെറുപുഴയിലുമായി 150 പേർ വീതം നെയ്ത്ത് തൊഴിലിലൂടെ ജീവിതം നെയ്തെടുക്കുകയാണ്. നാലര കോടി രൂപ ചെലവിലാണ് സംസ്ഥാന സർക്കാർ പരിശീലനവും മഗ്ഗവും (തറി) അനുബന്ധ ഉപകരണങ്ങളും ലഭ്യമാക്കുന്നത്. പാവ് ചുറ്റി നൽകിയാൽ അത് നെയ്തെടുത്ത തുണി സംഭരിക്കാനും കൂലി നൽകാനും സംഭരണ കേന്ദ്രവും ഒരുക്കുന്നുണ്ട്. കണ്ണൂരിലും തൃശൂരിലും തിരുവനന്തപുരത്തും ജയിലിൽ 20തറികൾ സ്ഥാപിച്ച് പ്രവൃത്തിപ്പിക്കുന്നുണ്ടെന്ന് ഹാൻവീവ് അസി. റീജിനൽ മാനേജർ ടി.കെ. സലിം പറഞ്ഞു.
സ്വന്തം വീട്ടിൽ തന്നെ തറികൾ സ്ഥാപിച്ച് ലഭ്യമാവുന്ന സമയം ജോലി ചെയ്ത് 12,000 രൂപ മുതൽ 16,000രൂപ വരെ തൊഴിലാളികക്ക് കൂലി ലഭിക്കുന്നുണ്ടെന്ന് അദ്ദേഹം പറഞ്ഞു. 2000 വീടുകളിൽ ഒറ്റത്തറി സ്ഥാപിച്ച് തൊഴിലും കൂലിയും ഉറപ്പാക്കാനും സ്ത്രീ ശാക്തീകരണത്തിന്റെ ഭാഗമാക്കാനും പദ്ധതി ലക്ഷ്യമിടുന്നതായി അദ്ദേഹം പറഞ്ഞു. ഒരു കാലത്ത് ജില്ലയിൽ വലിയ വ്യവസായമായി പന്തലിച്ച കൈത്തറി മേഖല ഇത്തരം പദ്ധതികളിലൂടെ വീണ്ടും തഴച്ച് വളരുകയാണ്.
Breaking News
കണ്ണൂരിൽ ലോറി ഇടിച്ച് സ്കൂട്ടർ യാത്രക്കാരനായ റിട്ട. കെ.എസ്.ആർ.ടി.സി ജീവനക്കാരൻ മരിച്ചു

കണ്ണൂർ: കണ്ണോത്തുംചാലിൽ ലോറി ഇടിച്ച് സ്കൂട്ടർ യാത്രക്കാരൻ മരിച്ചു. കാപ്പാട് പെരിങ്ങളായി തീർത്ഥത്തിൽ എം. ദാമോദരൻ്റെ മകൻ പ്രദീപ് ദാമോദരൻ (66) ആണ് മരിച്ചത്. ഓട്ടോ ഡ്രൈവറാണ് പ്രദീപ്. കെ.എസ്.ആർ.ടി.സി കണ്ണൂർ ഡിപ്പോയിലെ റിട്ട. മെക്കാനിക്കൽ ചാർജ് മാനാണ്. ഇന്ന് വൈകിട്ടായിരുന്നു അപകടം. ഉടൻ ചാലയിലെ മിംസ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
Breaking News
തലശ്ശേരിയിൽ വാടക വീട്ടിൽ വീട്ടമ്മ മരിച്ച നിലയിൽ

തലശ്ശേരി: കുട്ടിമാക്കൂലിൽ വാടക വീട്ടിൽ വീട്ടമ്മയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. തലശ്ശേരി കുയ്യാലി സ്വദേശിനി പി. ഷീനയാണ് മരിച്ചത്.ഭർത്താവ് ചിറമ്മൽ വീട്ടിൽ കെ. ഉമേഷിനെ പോലീസ് കസ്റ്റഡിയിൽ എടുത്തു.
Breaking News
ഷൈൻ ടോം ചാക്കോ അറസ്റ്റിൽ

കൊച്ചി: ലഹരി ഉപയോഗവുമായി ബന്ധപ്പെട്ട് നടന് ഷൈന് ടോം ചാക്കോ അറസ്റ്റിൽ. എന്.ഡി.പി.എസ്. ആക്ടിലെ സെക്ഷന് 27, 29 പ്രകാരമാണ് നടനെതിരേ പോലീസ് കേസെടുത്തിരിക്കുന്നത്. ആറ് മാസം മുതൽ ഒരുവർഷംവരെ തടവ് ലഭിച്ചേക്കാവുന്ന കുറ്റമാണ് ഷൈനിനെതിരേ ഇപ്പോൾ ചുമത്തിയിരിക്കുന്നത്. നടനെ സ്റ്റേഷൻ ജാമ്യത്തിൽ വിട്ടയച്ചേക്കും.ഷൈനിന്റെ മൊഴികളില് വൈരുദ്ധ്യങ്ങളുണ്ടെന്ന് പോലീസ് വൃത്തങ്ങൾ വ്യക്തമാക്കി. ഡാന്സാഫ് സംഘം അന്വേഷിച്ചെത്തിയ ഇടനിലക്കാരന് സജീറിനെ അറിയാമെന്നാണ് ഷൈൻ മൊഴി നൽകിയത്. നടന്റെ ഗൂഗിള് പേ രേഖകളും വാട്സാപ്പ് ചാറ്റും പോലീസ് പരിശോധിച്ചിട്ടുണ്ട്. ഫോൺ രേഖകൾ പരിശോധിച്ചതും നിർണായകമായി. ലഹരി ഇടപാടുകാരനെ ഫോണ് വിളിച്ചത് എന്തിനെന്ന് വിശദീകരിക്കാന് ഷൈനിനായില്ലെന്നും പോലീസ് വ്യക്തമാക്കി.
എറണാകുളം ജില്ലാ ആശുപത്രിയില് എത്തിച്ച് ഷൈനിനെ ഉടന് വൈദ്യപരിശോധനയ്ക്ക് വിധേയമാക്കും. രക്തം, മുടി, നഖം എന്നിവ പരിശോധിക്കും. ലഹരി ഉപയോഗിച്ചിട്ടുണ്ടെങ്കില് നാല് ദിവസം വരെ സാമ്പിളില്നിന്ന് മനസ്സിലാക്കാമെന്നാണ് പോലീസ് പറയുന്നത്.
മൂന്ന് മണിക്കൂർ നേരത്തെ ചോദ്യംചെയ്യലിനൊടുവിലാണ് നടനെതിരേ കേസെടുക്കാൻ പോലീസ് തീരുമാനിച്ചത്. സിറ്റി പോലീസ് ഡാൻസാഫ് സംഘം പരിശോധനയ്ക്കെത്തിയതറിഞ്ഞ് സ്വകാര്യ ഹോട്ടലിന്റെ മൂന്നാം നിലയിൽനിന്ന് ഓടിക്കളഞ്ഞത് പേടിച്ചിട്ടാണെന്നായിരുന്നു ഷൈൻ നൽകിയ മൊഴി. തന്നെ അപായപ്പെടുത്താന് വരുന്നവരാണെന്ന് സംശയിച്ചുവെന്നും നടൻ പറഞ്ഞു.
ശനിയാഴ്ച രാവിലെ പത്തോടെയാണ് ചോദ്യംചെയ്യലിനായി ഷൈൻ എറണാകുളം നോർത്ത് പോലീസ് സ്റ്റേഷനിലെത്തിയത്. രാവിലെ സ്റ്റേഷനിലെത്തിയ ഷൈൻ മാധ്യമങ്ങളോട് പ്രതികരിക്കാതെയായിരുന്നു സ്റ്റേഷനിലേക്ക് കയറിയത്. 32 ചോദ്യങ്ങള് അടങ്ങിയ പ്രാഥമിക ചോദ്യാവലി പോലീസ് തയ്യാറാക്കിയതായി നേരത്തെ റിപ്പോർട്ടുണ്ടായിരുന്നു.സിറ്റി പോലീസ് ഡാൻസാഫ് സംഘം പരിശോധനയ്ക്കെത്തിയതറിഞ്ഞ് നടൻ ഷൈൻ ടോം ചാക്കോ കൊച്ചിയിലെ സ്വകാര്യ ഹോട്ടലിന്റെ മൂന്നാം നിലയിൽനിന്ന് അതിസാഹസികമായി ചാടി കടന്നുകളഞ്ഞ ദൃശ്യങ്ങൾ പുറത്തുവന്നത് വലിയ വിവാദമായിരുന്നു. കൊച്ചി നോർത്ത് പാലത്തിനു സമീപത്തുള്ള ഹോട്ടലിൽ താമസിച്ചിരുന്ന മുറിയുടെ ജനൽ വഴി താഴത്തെ നിലയുടെ പുറത്തേക്കുള്ള ഷീറ്റിലേക്കും അവിടെ നിന്ന് ഒന്നാം നിലയിൽ കാർപോർച്ചിന് മുകളിലുള്ള സ്വിമ്മിങ് പൂളിലേക്കും ഷൈൻ ചാടുകയായിരുന്നു. ഇവിടെ നിന്നു കയറി സ്റ്റെയർകെയ്സ് വഴി ഹോട്ടൽ ലോബിയിലെത്തി പുറത്തേക്ക് രക്ഷപ്പെട്ടു. തലയിൽ തൊപ്പി വെച്ചായിരുന്നു പുറത്തേക്ക് ഓടിയത്.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്