നടപ്പ് സാമ്പത്തിക വര്‍ഷത്തെ ശാരശരി പണപ്പെരുപ്പം 6.2ശതമാനമാകുമെന്നാണ് വിവിധ ഏജന്‍സികളുടെ വിലയിരുത്തല്‍. അതേസമയം, 5.7ശതമാനമായിരിക്കുമെന്നാണ് ആര്‍.ബി.ഐ.യുടെ അനുമാനം.

അതേസമയം, ആര്‍.ബി.ഐ പ്രതീക്ഷിക്കുന്നത് മുക്കല്‍ ശതമാനത്തിന്റെ വര്‍ധനവാണ്. ഐ.സി.ഐ.സി.ഐ സെക്യൂരിറ്റീസ്, ബാങ്ക് ഓഫ് ബറോഡ എന്നിവ അരശതമാനം വര്‍ധന നടപ്പ് സാമ്പത്തിക വര്‍ഷത്തിലുണ്ടാകുമെന്ന് പ്രതീക്ഷിക്കുന്നു.

രാജ്യത്തെ വളര്‍ച്ചയെ ബാധിക്കുമെന്നതിനാലാണ് ഇത്തവണകൂടി നിരക്ക് വര്‍ധനവില്‍നിന്ന് ആര്‍.ബി.ഐ വിട്ടുനിന്നത്. അതേസമയം, ഭാവിയില്‍ നിരക്ക് വര്‍ധന അനിവാര്യമാണെന്ന് റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് വ്യക്തമാക്കുകയുംചെയ്തിട്ടുണ്ട്.

ഇന്ധനവിലവര്‍ധന സ്വാധീനിച്ചിട്ടില്ല

മാര്‍ച്ചിലെ പണപ്പെരുപ്പത്തെ ഇന്ധന വില സ്വാധീനിച്ചിട്ടില്ലെന്ന് കണക്കുകള്‍ സൂചിപ്പിക്കുന്നു. 2020 നവംബറിനുശേഷമുള്ള കുറഞ്ഞ നിരക്കായ 10.21ശതമാനമാണ് ഇന്ധനമേഖലയില്‍ മാര്‍ച്ചില്‍ രേഖപ്പെടുത്തിയത്. എല്‍പിജിയുടെ വിലയിലും സമാനമായ സാഹചര്യമുണ്ടായി. അഞ്ച് സംസ്ഥാനങ്ങളിലെ തിരഞ്ഞെടുപ്പിനെതുടര്‍ന്ന് നാലുമാസത്തെ ഇടവേളയ്ക്കുശേഷം മാര്‍ച്ച് 22 മുതലാണ് ഇന്ധന വില വര്‍ധിക്കാന്‍ തുടങ്ങിയത്. അതുകൊണ്ടുതന്നെ ഇപ്പോഴത്തെ ഇന്ധന വിലവര്‍ധന അടുത്തമാസം മുതലായിരിക്കും നിരക്കുകളില്‍ പ്രതിഫലിക്കുക.