സാമ്പത്തിക പരാതീനത മൂലമോ, വേണ്ട പഠനോപകാരങ്ങളോ, ഇല്ലാതെ കഷ്ടത അനുഭവിക്കുന്ന സമര്‍ത്ഥരായ വിദ്യാര്‍ത്ഥിനികളെ സാമ്പത്തികമായി സഹായിക്കുന്നതിനു വേണ്ടി ഫോമാ വനിതാ ഫോറം ആരംഭിച്ച സഞ്ചയിനിയുടെ സ്‌കോളര്‍ഷിപ്പ് പദ്ധതിയിലേക്ക് അര്‍ഹരായ വിദ്യാര്‍ത്ഥിനികളില്‍ നിന്ന് അപേക്ഷ ക്ഷണിച്ചു. അന്‍പത് നഴ്സിംഗ് വിദ്യാര്‍ത്ഥികള്‍ക്കും, മറ്റ് സാങ്കേതിക വിദ്യാഭ്യാസ മേഖലകളിലെ അന്‍പത് പഠനാര്‍ത്ഥികള്‍ക്കുമാണ് സ്‌കോളര്‍ഷിപ്പ് തുക നല്‍കുക. സ്‌കോളര്‍ഷിപ്പ് തുക മെയ് ആദ്യവാരം കേരളത്തില്‍ തിരുവനന്തപുരത്ത് നടക്കുന്ന ഫോമയുടെ കേരള കണ്‍വന്‍ഷന്‍ വേദിയില്‍ വെച്ച് വിതരണം ചെയ്യും.

സാങ്കേതിക വിദ്യാഭ്യാസ മേഖലയില്‍ സമര്‍ത്ഥരായ വിദ്യാര്‍ഥിനികള്‍ക്ക് പ്രോത്സാഹനം നല്‍കേണ്ടത് അനിവാര്യമാണെന്ന ഉത്തമബോധ്യമാണ് സഞ്ജയിനി എന്ന വിദ്യാഭ്യാസ സ്‌കോളര്‍ഷിപ്പ് പദ്ധതിക്ക് ഫോമാ വനിതാ ഫോറം രൂപം നല്‍കിയത്. ഫോമയുടെ പ്രവര്‍ത്തകരും അംഗസംഘടനകളും നല്‍കിയ സംഭാവനകളിലൂടെയും, മയൂഖം വേഷവിധാന മത്സരത്തിലൂടെയുമാണ് സ്‌കോളര്‍ഷിപ്പിനായി തുക സമാഹരിച്ചത്.

സ്‌കോളര്‍ഷിപ്പിനായുള്ള അപേക്ഷകള്‍ക്കും, മറ്റു വിശദാംശങ്ങള്‍ക്കുമായി fomaa.nationalwomensforum@gmail.com എന്ന മേല്‍വിലാസത്തില്‍ ബന്ധപ്പെടണമെന്ന് വനിതാ ഫോറം നാഷണല്‍ കമ്മിറ്റി ചെയര്‍പേഴ്സണ്‍ ലാലി കളപ്പുരക്കല്‍, വൈസ് ചെയര്‍പേഴ്സണ്‍ ജൂബി വള്ളിക്കളം, സെക്രട്ടറി ഷൈനി അബൂ എന്നിവര്‍ അറിയിച്ചു. അപേക്ഷകള്‍ ലഭിക്കേണ്ട അവസാനതീയതി 2022 ഏപ്രില്‍ 25 ആണ്. അപേക്ഷകള്‍ http://sanjayini.fomaa.org ലിങ്ക് വഴി സമര്‍പ്പിക്കാവുന്നതാണ്.