കണ്ണൂർ : റിസർവ് ബാങ്ക് ഓഫ് ഇന്ത്യയിൽ ഓഫീസർ ഗ്രേഡ്-ബി തസ്‌തികയിലെ 303 ഒഴിവുകളിലേക്ക് ഏപ്രിൽ 18 വരെ അപേക്ഷിക്കാം. www.rbi.org.in

തസ്‌തികയും ഒഴിവുകളും:

ഓഫിസർ ഗ്രേഡ് ബി–ജനറൽ: 238

ഓഫിസർ ഗ്രേഡ് ബി–ഡിപ്പാർട്മെന്റ് ഓഫ് ഇക്കണോമിക്സ് & പോളിസി റിസർച്: 31

ഓഫിസർ ഗ്രേഡ് ബി–ഡിപ്പാർട്മെന്റ് ഓഫ് സ്റ്റാറ്റിസ്റ്റിക്സ് & ഇൻഫർമേഷൻ മാനേജ്മെന്റ്: 25

അസിസ്റ്റന്റ് മാനേജർ–രാജ്ഭാഷ: 6

അസിസ്റ്റന്റ് മാനേജർ–പ്രോട്ടോക്കോൾ & സെക്യൂരിറ്റി: 3

യോഗ്യത: ഓഫിസർ ഗ്രേഡ് ബി–ജനറൽ: 60% മാർക്കോടെ (പട്ടികവിഭാഗത്തിനും ഭിന്നശേഷിക്കാർക്കും 50%) ബിരുദം; അല്ലെങ്കിൽ 55% മാർക്കോടെ (പട്ടികവിഭാഗത്തിനും ഭിന്നശേഷിക്കാർക്കും പാസ് മാർക്ക്) ബിരുദം. മറ്റു തസ്തികകളിൽ, ബന്ധപ്പെട്ട വിഭാഗങ്ങളിൽ പിജി, അനുബന്ധ യോഗ്യതകളുള്ളവർക്കാണ് അവസരം.

സേനകളിൽ ഓഫീസർ തസ്തികയിൽ 5 വർഷം പരിചയമുള്ളവർക്കാണ് അസിസ്റ്റന്റ് മാനേജർ–പ്രോട്ടോക്കോൾ & സെക്യൂരിറ്റി തസ്തികയിൽ അവസരം.

പ്രായം: 2022 ജനുവരി ഒന്നിന് 21–30 (അസിസ്റ്റന്റ് മാനേജർ തസ്തികകൾ ഒഴികെ). ഒ.ബി.സി.ക്ക് മൂന്നും പട്ടികവിഭാഗത്തിന് അഞ്ചും വർഷം ഇളവ്. മറ്റ് ഇളവുകൾക്ക് വിജ്ഞാപനം കാണുക.

തിരഞ്ഞെടുപ്പ്: ഓഫീസർ ഗ്രേഡ് ബി–ജനറൽ പ്രിലിമിനറി ഓൺലൈൻ പരീക്ഷ മേയ് 28നും ഡി.ഇ.പി.ആർ, ഡി.എസ്.ഐ.എം പ്രിലിമിനറി ഓൺലൈൻ‌ പരീക്ഷ ജൂലൈ 2 നും നടത്തും. അസിസ്റ്റന്റ് മാനേജർ വിഭാഗത്തിലേക്ക് മേയ് 21 നാണു പരീക്ഷ. കണ്ണൂർ, കോഴിക്കോട്, മലപ്പുറം, പാലക്കാട്, തൃശൂർ, കൊച്ചി, ആലപ്പുഴ, കോട്ടയം, കൊല്ലം, തിരുവനന്തപുരം എന്നിവിടങ്ങളിൽ പരീക്ഷാകേന്ദ്രമുണ്ട്. ആദ്യഘട്ട പരീക്ഷ ജയിക്കുന്നവർക്ക് ഒബ്ജക്ടീവ് ആൻഡ് ഡിസ്‌ക്രിപ്‌റ്റീവ് പരീക്ഷ നടത്തും. കൊച്ചിയും തിരുവനന്തപുരവും കേന്ദ്രങ്ങളാണ്. തുടർന്ന് ഇന്റർവ്യൂവുമുണ്ട്.