കണ്ണൂർ :ഏപ്രിൽ ആദ്യവാരത്തോടെ ജില്ലയിൽ 31 പഞ്ചായ ത്തുകളിലും ആന്തൂർ , മട്ടന്നൂർ നഗരസഭകളിലും ഹരിത മിത്രം ഗാർബേജ് ആപ് നിലവിൽ വരും. ഗാർബേജ് ആപ് പദ്ധതി നടപ്പാ ക്കുന്നതിനു പൊതുമേഖലാ സ്ഥാപനമായ കെൽട്രോണുമായി തദ്ദേശ ഭരണ സ്ഥാപനങ്ങൾ ധാരണാപത്രം ഒപ്പിട്ടു . സംസ്ഥാനത്തെ അജൈവ മാലിന്യ ശേഖരണവും സംസ്കരണവും ഡിജിറ്റലൈസ് ചെയ്യുന്നതിന്റെ ഭാഗമായാണിത്.ശുചിത്വ മാലിന്യ സംസ്കരണ പ്രവർത്തനങ്ങൾ, അവയുടെ ഭൗതിക സാമ്പത്തിക പുരോഗതി, ജനങ്ങൾക്കായുള്ള പരാതി പരിഹാര സെൽ തുടങ്ങിയ അടിസ്ഥാന ഘടകങ്ങൾ ഉൾപ്പെടുത്തി മാലിന്യ സംസ്കരണ മേഖലയിലെ ഓരോ പ്രവർത്തനങ്ങളും ഓൺലൈൻ ആയി സംസ്ഥാനതലം മുതൽ വാർഡ് തലം വരെ മോണിറ്റർ ചെയ്യുന്നതിനുള്ള സംവിധാനമാണ് ഹരിത മിത്രം ഗാർബേജ് ആപ്.

സേവനം ആവശ്യപ്പെടാനും പരാതികൾ അറിയിക്കുന്നതിന്നും വരിസംഖ്യ അടക്കുന്നതിനുമൊക്കെ ആപ്പ് വഴി സാധ്യമാകും.വിശദമായ ഡാറ്റാബേസ് , സേവനദാതാക്കൾക്കും ടെക്നീഷ്യൻമാർക്കുമുള്ള കസ്റ്റമർ ആപ്,മാലിന്യ സംസ്കരണ സംവിധാനങ്ങളുടെ സമഗ്ര വിവരങ്ങൾ ഉൾക്കൊള്ളുന്ന വെബ് പോർട്ടൽ എന്നിവ ചേർന്നതാണ് ഹരിത മിത്രം വേസ്റ്റ് മാനേജ്മെന്റ് സിസ്റ്റം.