കണ്ണൂർ : ഏതൊരു വ്യക്തിക്കും ഈ സേവനം തികച്ചും സൗജന്യമാണ്. ആപത്തിൽപെടുകയോ, കണ്മുൻപിൽ കാണുന്ന വാഹനാപകടങ്ങളിൽ പെട്ടവർക്കോ, അവനവന്റെ വീട്ടിൽ നിന്ന് നെഞ്ച് വേദന, ശ്വാസം മുട്ട്, മുതലായ ഏതൊരു എമർജൻസി സിറ്റുവേഷനിലും,

ഗർഭിണികൾ, തേനീച്ച ആക്രമണം, പാമ്പ് കടി ഏൽക്കുന്നവർക്കോ, പൊള്ളൽ ഏൽക്കുന്നവർക്കോ എന്ന് വേണ്ട ഏതൊരു അത്യാവശ്യ ഘട്ടങ്ങൾ വന്നാൽ ഏതൊരാൾക്കും എത്രയും വേഗത്തിൽ വിളിക്കാവുന്ന വാഹനം ആണ് *108* ആംബുലൻസ് സേവനം.

അടിയന്തര സാഹചര്യത്തിൽ *108* എന്ന നമ്പറിൽ വിളിക്കുക, കാൾ സെന്ററിൽ നിന്നും ചോദിക്കുമ്പോൾ അഡ്രസ്സ്, ഫോൺ നമ്പർ, രോഗിയുടെ പേര്, വയസ്സ്, എന്നിവ പറയുകയേ വേണ്ടു. എത്രയും വേഗം വാഹനം എത്തിയിരിക്കും.

ഒരു നേഴ്സും (അത്യാവശ്യ ഘട്ടങ്ങളിൽ രോഗിയെ സഹായിക്കാൻ, CPR മുതലായവ കൊടുക്കേണ്ടി വന്നാൽ അതിനുവേണ്ടി ), ഒരു ഡ്രൈവറും എപ്പോഴും നിങ്ങൾക് വേണ്ടി ഈ വാഹനത്തിൽ ഉണ്ടായിരിക്കും. അത്യാവശ്യം വേണ്ട മരുന്നുകൾ, ഓക്സിജൻ സൗകര്യം, എന്നിവ രോഗികൾക്കു വേണ്ടി സജ്ജം ആണ്.ഇത് തികച്ചും സൗജന്യവുമാണ്.

ഒരു പ്രൈവറ്റ് ഹോസ്പിറ്റലിൽ നിന്നും ഗവണ്മെന്റ് ഹോസ്പിറ്റലിൽ പോകേണം എങ്കിൽ അവിടെ ഉള്ള നേഴ്സ് മാരോടൊ, ഡോക്ടർ നോടോ ധൈര്യമായി നിങ്ങൾക് അവകാശപ്പെടാം *108* ആംബുലൻസിന്റെ സേവനം.

മറ്റു ഓട്ടങ്ങളിൽ ആണെങ്കിലും അല്പം വൈകിയാലും അടുത്ത ലൊകേഷനിൽ നിന്നും വാഹനം എത്തിയിരിക്കും.

ഈ സേവനം തികച്ചും സൗജന്യമാണ്.24 മണിക്കൂർ ഈ സേവനം നിങ്ങൾക് പ്രയോജനപ്പെടുത്താം.പരമാവധി ഉപയോഗപ്പെടുത്തുക.