പേരാവൂർ: ജന്മനാട്ടിൽ ജിമ്മിജോർജിന് സ്മാരകം എന്നത് എത്രയുമുടനെ യാഥാർഥ്യമാക്കുമെന്ന് സംസ്ഥാന സ്‌പോർട്‌സ് കൗൺസിൽ പ്രസിഡന്റ് മേഴ്‌സികുട്ടൻ. ആറു വർഷത്തോളമായി നിർമാണം മുടങ്ങി കിടക്കുന്ന പേരാവൂരിലെ ജിമ്മി ജോർജ് സ്റ്റേഡിയം സന്ദർശിച്ച ശേഷം നടന്ന യോഗത്തിലാണ്  മലയോരത്തെ കായികപ്രേമികളുടെ ചിരകാലഭിലാഷം ഉടൻ യാഥാർഥ്യാക്കാൻ നടപടി സ്വീകരിക്കുമെന്ന് മേഴ്‌സികുട്ടൻ പ്രഖ്യാപിച്ചത്.

സ്റ്റേഡിയം നവീകരണം എത്രയും പെട്ടെന്ന് പൂർത്തീകരിക്കുവാണമെന്നാവശ്യപ്പെട്ട്മേഖലയിലെ ജനപ്രതിനിധികളും സ്‌കൂൾ മാനേജ്‌മെന്റും,സ്റ്റേഡിയത്തിൽ സ്ഥിരം പരിശീലനം നടത്തുന്ന യുവതീ-യുവാക്കളും, കായിക പ്രേമികളും, വിവിധ സംഘടനകളും കോളേജ്-സ്‌കൂൾ വിദ്യാർത്ഥികളും ചേർന്ന് മേഴ്‌സികുട്ടന് നിവേദനം നല്കി.

സണ്ണി ജോസഫ് എം.എൽ.എ ഉദ്ഘാടനം ചെയ്തു. സ്റ്റേഡിയത്തിന്റെ ഒന്നാം ഘട്ട നിർമാണത്തിന് സർക്കാരിൽ നിന്നും 2.55 കോടിയുടെ ഫണ്ട് അനുവദിപ്പിച്ചിരുന്നുവെന്നും നിർമാണം പൂർത്തീകരിക്കാനാവശ്യമായ നടപടികൾക്ക് സർക്കാരിൽ സമ്മർദ്ദം ചെലുത്തുമെന്നും സണ്ണി ജോസഫ് പറഞ്ഞു. സ്‌കൂൾ മാനേജർ ആർച്ച് പ്രീസ്റ്റ് ഡോ.തോമസ് കൊച്ചുകരോട്ട് അധ്യക്ഷത വഹിച്ചു.

പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ. സുധാകരൻ, ജിമ്മിജോർജ് ഫൗണ്ടേഷൻ മാനേജിംഗ് ട്രസ്റ്റി സെബാസ്റ്റ്യൻ ജോർജ്, ആർച്ചറി അസോസിയേഷൻ ജില്ലാ സെക്രട്ടറി തങ്കച്ചൻ കോക്കാട്ട്, മോണിംഗ് ഫൈറ്റേഴ്‌സ് എൻഡുറൻസ് അക്കാദമി എം.ഡി.എം.സി.കുട്ടിച്ചൻ, സെയ്ന്റ് ജോസഫ്‌സ് എച്ച്.എസ്.എസ്.പ്രിൻസിപ്പാൾ കെ.വി.സെബാസ്റ്റ്യൻ, ടോമി മാണിക്കത്താഴെ, ബിജു കദളിക്കാട്ടിൽ എന്നിവർ സംബന്ധിച്ചു.