മൊബൈൽ ഉപയോഗിച്ചുകൊണ്ടിരിക്കുമ്പോൾ ഡാറ്റ തീർന്നാലോ? ആകെ പെട്ട് പോകും. അപ്പോൾ പെട്ടെന്ന് ഡാറ്റ റീചാർജ് ചെയ്യാൻ കയ്യിൽ കാശുമില്ലെങ്കിലോ? ഇങ്ങനെയുള്ള അവസ്ഥയിൽ വരിക്കാരെ സഹായിക്കാനായി ടെലികോം കമ്പനിയായ ജിയോ ഒരു പുതിയ ഡാറ്റ വായ്പ പദ്ധതി അവതരിപ്പിക്കുകയാണ്. ഉപഭോക്താക്കൾക്ക് അവരുടെ പ്രതിദിന ഡാറ്റ  ക്വാട്ട തീർന്നു പോവുകയും, പെട്ടെന്ന്  പുതുക്കാൻ കഴിയാതിരിക്കുകയും ചെയ്യുമ്പോൾ ‘ഇപ്പോൾ ഉപയോഗിക്കുക, പിന്നീട് പണമടക്കുക’ എന്ന രീതിയിലുള്ള ഈ ഡാറ്റ പദ്ധതി സൗകര്യപ്രദമാണ്.

ഇത് ലഭിക്കാൻ 

∙മൈ ജിയോ ആപ് ഡൌൺലോഡ് ചെയ്യുക 

∙ഇടതുവശത്തുള്ള മെനുവിൽനിന്ന് ‘മൊബൈൽ സർവീസ് ‘ എന്നത് തിരഞ്ഞെടുക്കുക. 

∙അതിനുശേഷം ‘ഗെറ്റ് എമർജൻസി ഡാറ്റ’ എന്നത് നൽകുക. 

∙ഇത്രയും ചെയ്‌താൽ ഡാറ്റ ഉടനെത്തന്നെ ഉപയോഗിക്കാൻ പറ്റും. 

∙പ്രീപെയ്ഡ് ഉപഭോക്താക്കൾക്ക് മാത്രമേ ഈ സൗകര്യം ലഭ്യമുള്ളൂ.

∙2 ജിബി ഡാറ്റയാണ് വായ്പയായി നൽകുക. 

സ്വകാര്യ കമ്പനികളോട് മത്സരിക്കുവാൻ ബി.എസ്.എൻ.എല്ലും പുതിയ വാഗ്ദാനങ്ങളുമായി രംഗത്തുണ്ട്. പ്രീപെയ്ഡ് പദ്ധതി പുതുക്കുമ്പോൾ 4 ശതമാനം കിഴിവാണ് നൽകുന്നത്. മാർച്ച് 31 വരെ മാത്രമേ ഇത് ലഭിക്കുകയുള്ളൂ. മൊബൈൽ ആപ്പ് വഴി റീചാർജ് ചെയ്യുന്നവർക്കാണ് ഇത് ലഭിക്കുന്നത്.