ഇരിട്ടി : കെ.എസ്.ഇ.ബി.ക്ക് കീഴില്‍ നടക്കുന്ന പദ്ധതികള്‍ സമയബന്ധിതമായി പൂര്‍ത്തിയാക്കണമെന്ന് വൈദ്യുതി വകുപ്പ് മന്ത്രി കെ. കൃഷ്ണന്‍കുട്ടി. കെ.എസ്.ഇ.ബി. വള്ളിത്തോട് ഇലക്ട്രിക്കല്‍ സെക്ഷന്‍ ഓഫിസ് കെട്ടിട നിര്‍മാണോദ്ഘാടനം ഓണ്‍ലൈനായി നിര്‍വഹിക്കുകയായിരുന്നു അദ്ദേഹം. സണ്ണിജോസഫ് എം.എല്‍.എ അധ്യക്ഷനായി. ശിലാഫലകം അനാഛാദനവും അദ്ദേഹം നിര്‍വഹിച്ചു. ഐ.ടി ഡയരക്ടര്‍ എസ് രാജ്കുമാര്‍ റിപ്പോര്‍ട്ട് അവതരിപ്പിച്ചു. ഇരിട്ടി ബ്ലോക്ക് പഞ്ചായത്ത് പ്രസിഡന്റ് കെ. വേലായുധന്‍, പഞ്ചായത്ത് പ്രസിഡന്റുമാരായ പി. രജനി (പായം), കുര്യച്ചന്‍ പയ്യംപള്ളികുന്നേല്‍ (അയ്യന്‍കുന്ന്), കെ.എസ്.ഇ.ബി ചെയര്‍മാന്‍ ഡോ. ബി അശോക്, ജില്ലാ പഞ്ചായത്ത് അംഗം ലിസി ജോസഫ്, ബ്ലോക്ക് പഞ്ചായത്ത് അംഗം ഹമീദ് കണിയാറ്റയില്‍, പായം പഞ്ചായത്ത് അംഗം മുജീബ് കുഞ്ഞിക്കണ്ടി, കെ.എസ്.ഇ.ബി സ്വതന്ത്ര ഡയറക്ടര്‍ അഡ്വ. വി. മുരുകദാസ്, ഉത്തരമലബാര്‍ വിതരണ വിഭാഗം ചീഫ് എന്‍ജിനിയര്‍ എം.കെ. നാരായണന്‍ വിവിധ രാഷ്ട്രീയ പാര്‍ട്ടി പ്രതിനിധികളായ ബാബുരാജ് ഉളിക്കല്‍, തോമസ് വര്‍ഗീസ്, ഹുസൈന്‍കുട്ടി, അജയന്‍ പായം തുടങ്ങിയവർ സംസാരിച്ചു.

റിട്ട. അധ്യാപകന്‍ വള്ളിത്തോട് സ്വദേശി റോയ് കല്ലറയ്ക്കല്‍ സൗജന്യമായി നല്‍കിയ 10 സെന്റ് സ്ഥലത്താണ് സെക്ഷന്‍ ഓഫിസ് പണിയുന്നത്. ഇരുനിലകളിലായി 2000 ചതുരശ്ര അടിയില്‍ നിര്‍മിക്കുന്ന കെട്ടിടത്തിന്റെ പ്രവൃത്തി ഒന്‍പതു മാസത്തിനകം പൂര്‍ത്തിയാക്കും. പദ്ധതിക്കായി 60 ലക്ഷം രൂപ അനുവദിച്ചിട്ടുണ്ട്. നിലവില്‍ വാടകകെട്ടിടത്തിലാണ് സെക്ഷന്‍ ഓഫീസ് പ്രവര്‍ത്തിക്കുന്നത്.റിട്ട. അധ്യാപകന്‍ വള്ളിത്തോട് സ്വദേശി റോയ് കല്ലറയ്ക്കല്‍ സൗജന്യമായി നല്‍കിയ 10 സെന്റ് സ്ഥലത്താണ് സെക്ഷന്‍ ഓഫിസ് പണിയുന്നത്. ഇരുനിലകളിലായി 2000 ചതുരശ്ര അടിയില്‍ നിര്‍മിക്കുന്ന കെട്ടിടത്തിന്റെ പ്രവൃത്തി ഒന്‍പതു മാസത്തിനകം പൂര്‍ത്തിയാക്കും. പദ്ധതിക്കായി 60 ലക്ഷം രൂപ അനുവദിച്ചിട്ടുണ്ട്. നിലവില്‍ വാടകകെട്ടിടത്തിലാണ് സെക്ഷന്‍ ഓഫീസ് പ്രവര്‍ത്തിക്കുന്നത്.