കണ്ണൂർ : പ്ലാസ്റ്റിക്ക് മുക്ത കണ്ണൂർ ക്യാമ്പയിന്റെ ഭാഗമായി കരകൗശല വസ്തു നിർമ്മാണ മത്സരവും നിർമ്മിച്ച വസ്തുക്കളുടെ പ്രദർശനവും സംഘടിപ്പിക്കുന്നു. ഹരിത കേരളം മിഷന്റെ നേതൃത്വത്തിൽ ജില്ലാ ഭരണകൂടം, മട്ടന്നൂർ നഗരസഭ, കണ്ണൂർ ഗവ. എഞ്ചിനീയറിങ് കോളേജ് എന്നിവയുടെ സഹകരണത്തോടെയാണ് മത്സരം. ഹൈസ്‌ക്കൂൾ, ഹയർ സെക്കണ്ടറി, ബിരുദ, സാങ്കേതിക വിദ്യാഭ്യാസ സ്ഥാപനങ്ങളിൽ പഠിക്കുന്ന വിദ്യാർഥികൾ, പൊതുജനങ്ങൾ എന്നിവർക്ക് പങ്കെടുക്കാം.

]കരകൗശല വസ്തുക്കളുടെ തൽസമയ നിർമ്മിതി, പ്രദർശനം, പാഴ്‌വസ്തുക്കൾ ഉപയാഗിച്ചുള്ള നിർമ്മിതി സംബന്ധിച്ച ആശയങ്ങളുടെ അവതരണം എന്നീ മൂന്ന് വിഭാഗങ്ങളിലാണ് മൽസരം. മുൻകൂട്ടി രജിസ്റ്റർ ചെയ്യണം. വ്യക്തികൾക്കും സർക്കാർ, സ്വകാര്യ സ്ഥാപനങ്ങൾക്കും വിദ്യാഭ്യാസ സ്ഥാപനങ്ങൾക്കും മത്സരത്തിൽ പങ്കെടുക്കാം.
വിജയികൾക്ക് ക്യാഷ് അവാർഡ്, സാക്ഷ്യപത്രം, മൊമന്റോ എന്നിവ സമ്മാനിക്കും. പങ്കെടുക്കുന്ന എല്ലാവർക്കും പങ്കാളിത്ത സാക്ഷ്യപത്രം നൽകും. ജില്ലക്ക് പുറത്തുള്ളവർക്കും പങ്കെടുക്കാം.

അപേക്ഷകർ 8129218246 എന്ന വാട്ട്‌സാപ്പ് നമ്പറിൽ രജിസ്റ്റർ ചെയ്യണം. വാട്ട്‌സാപ്പ് നമ്പരിൽ രജിസ്റ്റർ ചെയ്യാൻ സാധിക്കാത്തവർ വെള്ള കടലാസിൽ തയ്യാറാക്കിയ ഏത് ഇനത്തിൽ മൽസരിക്കാൻ ആഗഹിക്കുന്നു, പൂർണ മേൽവിലാസം എന്നിവ എഴുതിയ താൽപര്യ പത്രം ജില്ലാ മിഷൻ കോ-ഓർഡിനേറ്റർ, ഹരിത കേരളം മിഷൻ, ജില്ലാ ആസൂത്രണ സമിതി ബിൽഡിങ്, കണ്ണൂർ സിവിൽ സ്റ്റേഷൻ പി.ഒ. എന്ന വിലാസത്തിൽ അയക്കണം.