നാഷണല്‍ തെര്‍മല്‍ പവര്‍ കോര്‍പറേഷനില്‍ (NTPC) 177 ഒഴിവുകളിലേക്ക് അപേക്ഷ ക്ഷണിച്ചു. വിവിധ പദ്ധതികളിലായി മൈനിംഗ് ഓവര്‍മാന്‍, മൈനിംഗ് സിര്‍ദര്‍ തസ്തികകളിലേക്കാണ് ഒഴിവുകള്‍. താത്പര്യമുളള ഉദ്യോഗാര്‍ത്ഥികള്‍ക്ക് ഔദ്യോഗിക വെബ്സൈറ്റായ ntpc.co.in വഴി അപേക്ഷ സമര്‍പ്പിക്കാവുന്നതാണ്. മൈനിംഗ് ഓവര്‍മാന്‍- 74 , മൈനിംഗ് സിര്‍ദാര്‍ – 103 എന്നിങ്ങനെയാണ് ഒഴിവുകളുടെ എണ്ണം.

അംഗീകൃത സ്ഥാപനത്തില്‍ നിന്ന് മൈനിംഗ് എഞ്ചിനീയറിംഗില്‍ ഡിപ്ലോമ നേടിയിട്ടുള്ളവര്‍ക്ക് അപേക്ഷിക്കാം. അഞ്ച് വര്‍ഷത്തെ പ്രവര്‍ത്തി പരിചയം അഭികാമ്യം. പത്താം ക്ലാസ് യോഗ്യതയും ഡിജിഎംസ് നല്‍കുന്ന സിര്‍ദാര്‍ സര്‍ട്ടിഫിക്കറ്റും ഉള്ളവര്‍ക്ക് മൈനിംഗ് സിര്‍ദാര്‍ ഒഴിവുകളിലേക്ക് അപേക്ഷിക്കാം. ഒരു വര്‍ഷത്തെ പ്രവര്‍ത്തി പരിചയം വേണം. മറ്റ് രീതിയിലുള്ള അപേക്ഷകള്‍ പരിഗണിക്കുന്നതല്ല. അപേക്ഷകര്‍ക്ക് കൃത്യമായ ഇ-മെയില്‍ ഐ-ഡി ഉണ്ടായിരിക്കണം. എഴുത്തുപരീക്ഷയുടെയും അഭിരുചി പരീക്ഷയുടെയും അടിസ്ഥാനത്തിലായിരിക്കും തെരഞ്ഞെടുപ്പ്. പ്രവര്‍ത്തിപരിചയവും വിദ്യാഭ്യാസ യോഗ്യതയുമുള്ളവരെ എഴുത്തുപരീക്ഷക്ക് വിളിക്കും. അഡ്മിറ്റ് കാര്‍ഡ് ഇ-മെയില്‍ വഴിയായിരിക്കും അയക്കുക. അപേക്ഷ അയക്കാനുളള അവസാന തീയതി മാര്‍ച്ച് 15.