Breaking News
ഹയര്‍സെക്കന്‍ഡറി പരീക്ഷാ മാന്വല്‍ പരിഷ്‌കരിച്ചു; ഗ്രേസ് മാര്‍ക്ക് പ്രത്യേകം രേഖപ്പെടുത്തും
തിരുവനന്തപുരം: ഹയര്‍സെക്കന്‍ഡറി സ്‌കോര്‍ ഷീറ്റില്‍ ഓരോ വിഷയത്തിനും ലഭിച്ച ഗ്രേസ് മാര്‍ക്ക് പ്രത്യേകം രേഖപ്പെടുത്തും. നിലവില്‍ ഗ്രേസ് മാര്‍ക്ക് നല്‍കുമ്പോള്‍ സ്‌കോര്‍ഷീറ്റില്‍ ‘ഗ്രേസ് മാര്‍ക്ക് അവാര്‍ഡഡ്’ എന്ന് മാത്രമാണ് രേഖപ്പെടുത്തുന്നത്. വിദ്യാര്‍ഥികളുടെ ബുദ്ധിമുട്ട് പരിഗണിച്ചാണ് പരിഷ്‌കരിച്ച ഹയര്‍സെക്കന്‍ഡറി പരീക്ഷാ മാന്വല്‍ ഈ നിര്‍ദേശം മുന്നോട്ടുവെച്ചത്.
പുനര്‍മൂല്യനിര്‍ണയത്തിന് അപേക്ഷിക്കുന്ന ഉത്തരക്കടലാസുകള്‍ ഇരട്ടമൂല്യനിര്‍ണയം നടത്തും. ലഭിക്കുന്ന സ്‌കോറുകള്‍ പരമാവധി മാര്‍ക്കിന്റെ 10 ശതമാനത്തില്‍ താഴെയാണെങ്കില്‍ ലഭ്യമായ രണ്ടു സ്‌കോറുകളുടെയും ശരാശരി മാര്‍ക്ക് ലഭിക്കും. വ്യത്യാസം 10 ശതമാനമോ അതില്‍ കൂടുതലോ ആണെങ്കില്‍ മൂന്നാമതും മൂല്യനിര്‍ണയം നടത്തും.
ഇതില്‍ ലഭിക്കുന്ന സ്‌കോറിന്റെയും ഇരട്ടമൂല്യനിര്‍ണയത്തിലൂടെ ലഭിക്കുന്ന സ്‌കോറില്‍ ഇതുമായി ഏറ്റവും അടുത്തുള്ള സ്‌കോറിന്റെയും ശരാശരിയാണ് നല്‍കുക. പുനര്‍മൂല്യനിര്‍ണയത്തില്‍ ലഭിക്കുന്ന സ്‌കോര്‍ വിദ്യാര്‍ഥിക്ക് ആദ്യം ലഭിച്ചതിനേക്കാള്‍ ഒരു സ്‌കോറെങ്കിലും അധികമാണെങ്കില്‍ അതു ലഭ്യമാക്കും. കുറവാണെങ്കില്‍ ആദ്യം ലഭിച്ചത് നിലനിര്‍ത്തും.
ഡ്യൂപ്ലിക്കേറ്റ് സര്‍ട്ടിഫിക്കറ്റ് ലഭിക്കാന്‍ അപേക്ഷയോടൊപ്പം നല്‍കേണ്ട സത്യവാങ്മൂലം ഒന്നാം ക്ലാസ് മജിസ്ട്രേറ്റ് നല്‍കണമെന്ന വ്യവസ്ഥയില്‍ ഇളവുവരുത്തി. ഇനിമുതല്‍ നോട്ടറിയില്‍നിന്നുള്ള അഫിഡവിറ്റ് മതി.
കംപാര്‍ട്ട്മെന്റല്‍ വിദ്യാര്‍ഥികള്‍ക്ക് വിജയിക്കാനാകാത്ത വിഷയങ്ങള്‍ക്ക് ഒന്നാം വര്‍ഷമോ രണ്ടാം വര്‍ഷമോ താത്മര്യമനുസരിച്ച് പരീക്ഷയെഴുതാം. ഒന്നാംവര്‍ഷ പരീക്ഷയാണ് രജിസ്റ്റര്‍ ചെയ്യുന്നതെങ്കില്‍ രണ്ടാം വര്‍ഷത്തെ ഉയര്‍ന്ന സ്‌കോറും രണ്ടാംവര്‍ഷ പരീക്ഷയാണ് രജിസ്റ്റര്‍ ചെയ്യുന്നതെങ്കില്‍ ഒന്നാംവര്‍ഷത്തെ ഉയര്‍ന്ന സ്‌കോറും നിലനിര്‍ത്തും. ഇതുവരെ ഒന്നാം വര്‍ഷവും രണ്ടാം വര്‍ഷവും നിര്‍ബന്ധമായും എഴുതണമായിരുന്നു.
സി.ഇ. മാര്‍ക്ക് പ്രസിദ്ധപ്പെടുത്തും
നിരന്തര മൂല്യനിര്‍ണയ(സി.ഇ.)ത്തിന്റെ മാര്‍ക്ക് അധ്യാപകര്‍ സ്‌കൂള്‍ നോട്ടീസ് ബോര്‍ഡില്‍ പ്രസിദ്ധീകരിക്കണം. ഇതുസംബന്ധിച്ച് പ്രിന്‍സിപ്പലിന് പരാതിനല്‍കാം. പ്രിന്‍സിപ്പലിന്റെ തീര്‍പ്പില്‍ തൃപ്തരല്ലാത്തവര്‍ക്ക് ആര്‍.ഡി.ഡി.മാര്‍ക്ക് അപ്പീല്‍ നല്‍കാം. പരാതി പരിഹരിച്ച് വീണ്ടും മാര്‍ക്ക് വിവരം നോട്ടീസ് ബോര്‍ഡില്‍ പരസ്യപ്പെടുത്തണം. വകുപ്പിന്റെ പോര്‍ട്ടലില്‍ അപ്ലോഡ് ചെയ്യുകയും വേണം.
പ്രായോഗിക പരീക്ഷമാത്രം എഴുതാം
രണ്ടാംവര്‍ഷ തിയറി പരീക്ഷയെഴുതിയ വിദ്യാര്‍ഥിക്ക് പ്രായോഗിക പരീക്ഷ എഴുതാന്‍ കഴിയില്ലെങ്കില്‍ സേ-പരീക്ഷയില്‍ പ്രായോഗിക പരീക്ഷ മാത്രമായി എഴുതാം. ചോദ്യക്കടലാസ് നിര്‍മാണത്തിന് നിലവില്‍ എസ്.സി.ഇ.ആര്‍.ടി. നല്‍കുന്ന പാനലില്‍നിന്നാണ് അധ്യാപകരെ തിരഞ്ഞെടുക്കുന്നത്.
കണ്ണൂർ: കണ്ണൂർ വലിയ അരീക്കമലയിൽ യുവാവിനെ ബന്ധുവീട്ടിൽ മരിച്ച നിലയിൽ കണ്ടെത്തി. വലിയ അരീക്കമല സ്വദേശി അനീഷ് (38) ആണ് മരിച്ചത്. മൃതദേഹത്തിന്റെ തലയ്ക്കും, മുഖത്തും മുറിവുകളുണ്ട്. അനീഷിന്റെ ബന്ധുവിന്റെ വീട്ടിലെ വരാന്തയിലായിരുന്നു മൃതദേഹം. രാവിലെ മൃതദേഹം കണ്ട ബന്ധുക്കൾ പൊലീസിനെ വിവരം അറിയിക്കുകയായിരുന്നു. സംഭവത്തിൽ പൊലീസ് അസ്വാഭാവിക മരണത്തിന് കേസെടുത്തു.
കോഴിക്കോട്: കോഴിക്കോട് താമരശ്ശേരിയിൽ മകൻ അമ്മയെ വെട്ടി കൊലപ്പെടുത്തി. അടിവാരം സ്വദേശി സുബൈദ (53) ആണ് കൊല്ലപ്പെട്ടത്. മയക്കുമരുന്നിന് അടിമയായ മകൻ ആഷിക്ക് ആണ് ക്രൂരകൃത്യം നടത്തിയത്. ആഷിക്കിനായി പൊലീസ് തിരച്ചില്‍ ആരംഭിച്ചു.
പേരാവൂർ : ചെവിടിക്കുന്ന് പെട്രോൾ പമ്പിന് സമീപം നിയന്ത്രണം വിട്ട ട്രാവലർ അപകടത്തിൽ പെട്ടു. കാബിനുള്ളിൽ നിന്നും പുകയുയരുന്നത് കണ്ട് ഡ്രൈവർ പുറത്തേക്ക് ചാടിയതിനാലാണ് വാഹനം നിയന്ത്രണം വിട്ട് റോഡരികിലെ ഷീറ്റിൽ ഇടിച്ചു നിന്നത്. ആർക്കും പരിക്കില്ല. പേരാവൂർ അഗ്നി രക്ഷാ സേനയെത്തി വാഹനത്തിനുള്ളിലെ തീയണച്ചു. വ്യാഴാഴ്ച ഉച്ചക്ക് രണ്ട് മണിയോടെയാണ് സംഭവം.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
You must be logged in to post a comment Login