ദില്ലി : യൂണിയന്‍ പബ്ലിക് സര്‍വീസ് കമ്മീഷന്‍ (യു.പി.എസ്.സി) സീനിയര്‍ അഡ്മിനിസ്ട്രേറ്റീവ് ഓഫീസര്‍, അസിസ്റ്റന്റ് എംപ്ലോയ്മെന്റ് ഓഫീസര്‍, സബ് റീജണല്‍ എംപ്ലോയ്മെന്റ് ഓഫീസര്‍/ഓഫീസര്‍, അസിസ്റ്റന്റ് പ്രൊഫസര്‍ (ആയുര്‍വേദം) എന്നീ തസ്തികകളിലെ നിയമനത്തിന് വിജ്ഞാപനം പുറപ്പെടുവിച്ചു. 14 തസ്തികകളിലേക്കാണ് റിക്രൂട്ട്‌മെന്റ് ഡ്രൈവ് നടത്തുന്നത്.

താല്‍പ്പര്യവും യോഗ്യതയുമുള്ള ഉദ്യോഗാര്‍ത്ഥികള്‍ക്ക് യു.പി.എസ്.സി.യുടെ ഔദ്യോഗിക സൈറ്റായ upsc.gov.in വഴി ഓണ്‍ലൈനായി അപേക്ഷിക്കാം. തസ്തികകളിലേക്ക് അപേക്ഷിക്കാനുള്ള അവസാന തീയതി 2022 ഫെബ്രുവരി 10 വരെയാണ്.

സീനിയര്‍ അഡ്മിനിസ്‌ട്രേറ്റീവ് ഓഫീസര്‍: 8, അസിസ്റ്റന്റ് എംപ്ലോയ്മെന്റ് ഓഫീസര്‍: 1, സബ് റീജിയണല്‍ എംപ്ലോയ്മെന്റ് ഓഫീസര്‍/ഓഫീസര്‍: 1, അസിസ്റ്റന്റ് പ്രൊഫസര്‍ (ആയുര്‍വേദം): 4 എന്നിങ്ങനെയാണ് ഒഴിവുകളുടെ വിശദാംശങ്ങള്‍. സീനിയര്‍ അഡ്മിനിസ്‌ട്രേറ്റീവ് ഓഫീസര്‍: 35 വയസ്സ്, അസിസ്റ്റന്റ് എംപ്ലോയ്മെന്റ് ഓഫീസര്‍: 35 വയസ്സ്, സബ് റീജിയണല്‍ എംപ്ലോയ്മെന്റ് ഓഫീസര്‍/ഓഫീസര്‍: 30 വയസ്സ്, അസിസ്റ്റന്റ് പ്രൊഫസര്‍ (ആയുര്‍വേദം): 45-50 വയസ്സ് എന്നിങ്ങനെയാണ് പ്രായപരിധി.

അപേക്ഷകര്‍ 25 രൂപ ഫീസ് അടയ്ക്കേണ്ടതാണ്. ഒന്നുകില്‍ എസ്ബിഐയുടെ ഏതെങ്കിലും ശാഖയില്‍ പണമായി അല്ലെങ്കില്‍ എസ്ബിഐയുടെ നെറ്റ് ബാങ്കിംഗ് സൗകര്യം ഉപയോഗിച്ചോ വിസ/മാസ്റ്റര്‍ ക്രെഡിറ്റ്/ഡെബിറ്റ് കാര്‍ഡ് ഉപയോഗിച്ചോ ഫീസടക്കാവുന്നതാണ്. ഏതെങ്കിലും സമുദായത്തിലെ SC/ST/PwBD/വനിതാ ഉദ്യോഗാര്‍ത്ഥികള്‍ക്ക് ഫീസില്ല. തസ്തികകളിലേക്ക് അപേക്ഷിക്കാനുള്ള വിദ്യാഭ്യാസ യോഗ്യത UPSC Detailed Notification ഈ ലിങ്കില്‍ പരിശോധിക്കാവുന്നതാണ്.