നവരത്‌ന റാങ്കിലുള്ള കേന്ദ്ര പൊതുമേഖലാകമ്പനിയായ ഭാരത് ഇലക്‌ട്രോണിക്‌സ് ലിമിറ്റഡില്‍ പ്രോജക്ട് എന്‍ജിനിയര്‍, ട്രെയിനി എന്‍ജിനിയര്‍, ട്രെയിനി ഓഫീസര്‍ തസ്തികകളിലേക്ക് അപേക്ഷ ക്ഷണിച്ചു. 247 ഒഴിവുണ്ട്. ബെംഗളൂരു കോംപ്ലക്‌സിലാണ് അവസരം.

പ്രോജക്ട് എന്‍ജിനിയര്‍ I : ഒഴിവ് 67 (ഇലക്‌ട്രോണിക്‌സ് 40, മെക്കാനിക്കല്‍ 14, കംപ്യൂട്ടര്‍ സയന്‍സ് 9, ഇലക്ട്രിക്കല്‍ 2, സിവില്‍ 2). യോഗ്യത ബന്ധപ്പെട്ട വിഷയത്തില്‍ ബി.ഇ./ബി.ടെക്./ ബി. എസ്‌സി. (നാലുവര്‍ഷത്തെ കോഴ്‌സ്)/ ബി.ആര്‍ക്. (അഞ്ചുവര്‍ഷത്തെ കോഴ്‌സ്) എന്‍ജിനിയറിങ് ഡിഗ്രി. രണ്ടുവര്‍ഷത്തെ പ്രവൃത്തിപരിചയമുണ്ടായിരിക്കണം. ശമ്പളം 40,000 – 55,000 രൂപ.

ട്രെയിനി എന്‍ജിനിയര്‍I : ഒഴിവ്169 (ഇലക്‌ട്രോണിക്‌സ്103, മെക്കാനിക്കല്‍50, കംപ്യൂട്ടര്‍ സയന്‍സ്8, ഇലക്ട്രിക്കല്‍7, ആര്‍ക്കിടെക്ചര്‍1). യോഗ്യത ബന്ധപ്പെട്ട വിഷയത്തില്‍ ബി.ഇ./ബി.ടെക്./ ബി.എസ്‌സി. (നാലുവര്‍ഷത്തെ കോഴ്‌സ്)/ ബി.ആര്‍ക്. (അഞ്ചുവര്‍ഷത്തെ കോഴ്‌സ്) എന്‍ജിനിയറിങ് ഡിഗ്രി. ആറുമാസത്തെ പ്രവൃത്തിപരിചയമുണ്ടായിരിക്കണം. .

ട്രെയിനി ഓഫീസര്‍ (ഫിനാന്‍സ്) I : ഒഴിവ് 11. യോഗ്യത ദ്വിവത്സര എം.ബി.എ. (ഫിനാന്‍സ്), ആറുമാസത്തെ പ്രവൃത്തിപരിചയം വേണം. ശമ്പളം 30,000 – 40,000 രൂപ.

വിവരങ്ങള്‍ക്ക് : www.belindia.in

അവസാന തീയതി : ഫെബ്രുവരി 4.