പേരാവൂർ : ഗ്രാമപ്പഞ്ചായത്ത് 2022 – 23 വാർഷിക പദ്ധതിയുടെ വികസന സെമിനാർ ബ്ലോക്ക് പഞ്ചായത്ത് ഹാളിൽ നടന്നു. ജനറൽ വിഭാഗത്തിൽ ഭവന നവീകരണത്തിന് 32 ലക്ഷം, പേരാവൂർ, തൊണ്ടിയിൽ, മണത്തണ ടൗണുകളിലെ ഡ്രൈനേജ് ക്ലീനിങ്ങിന് 4.62 ലക്ഷം, മാലിന്യ സംസ്‌കരണ കേന്ദ്രത്തിൽ ജൈവവള നിർമാണ യൂണിറ്റും അനുബന്ധ നിർമിതികൾക്കും 15 ലക്ഷം, റിംഗ് കമ്പോസ്റ്റിന് 12.5 ലക്ഷം എന്നിവ വകയിരുത്തി. 

തെറ്റുവഴി ലക്ഷം വീട് കോളനി കുടിവെള്ള പദ്ധതി,കൊട്ടംചുരം കുടിവെള്ള പദ്ധതി,പങ്കൻകുന്ന് കുടിവെള്ള പദ്ധതി,തെരു കുടിവെള്ള പദ്ധതി എന്നിവക്ക് 16.5 ലക്ഷം, നമ്പിയോട് തോട് ജലസംരക്ഷണത്തിന് എട്ട് ലക്ഷം, വി.സി.ബി സംരക്ഷണത്തിന് 1.37 ലക്ഷം എന്നിവയും പദ്ധതിയിലുണ്ട്.

സെമിനാർ പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ. സുധാകരൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി.പി. വേണുഗോപാലൻ അധ്യക്ഷത വഹിച്ചു. കേന്ദ്ര ധനകാര്യ കമ്മീഷൻ ഗ്രാന്റ് സംബന്ധിച്ച കെ.വി. ശരത് പദ്ധതി അവതരിപ്പിച്ചു. ആസൂത്രണ സമിതി ഉപാധ്യക്ഷൻ കെ. ശശീന്ദ്രൻ, നിഷ ബാലകൃഷ്ണൻ, പ്രീത ദിനേശൻ, പാൽ ഗോപാലൻ, റീന മനോഹരൻ, എം. ഷൈലജ, ബേബി സോജ, ടി.പി. ശശീന്ദ്രൻ, എം.സി. യോഷ്വാ എന്നിവർ സംസാരിച്ചു.