ന്യൂ​ഡ​ൽ​ഹി : ഇന്ത്യന്‍ ടെന്നീസ് താരം സാനിയ മിര്‍സ കോര്‍ട്ടിനോട് വിട പറയുന്നു. 2022 തന്റെ അവസാന സീസണാണെന്ന് സാനിയ വ്യക്തമാക്കി. ഓസ്‌ട്രേലിയന്‍ ഓപ്പണ്‍ വനിതാ ഡബിള്‍സ് ആദ്യ റൗണ്ടില്‍ തോറ്റ് പുറത്തായതിന് പിന്നാലെയാണ് ഇന്ത്യന്‍ താരത്തിന്റെ പ്രതികരണം. 35 വ​യ​സു​കാ​രി​യാ​യ സാ​നി​യ ഇ​ന്ത്യ ക​ണ്ട എ​ക്കാ​ല​ത്തെ​യും മി​ക​ച്ച ടെ​ന്നി​സ് താ​ര​ങ്ങ​ളി​ൽ ഒ​രാ​ളാ​ണ്. ഡ​ബി​ൾ​സ് റാ​ങ്കിം​ഗി​ൽ ഒ​ന്നാം സ്ഥാ​ന​ത്ത് എ​ത്തി​യി​ട്ടു​ള്ള സാ​നി​യ ക​രി​യ​റി​ന്‍റെ തു​ട​ക്ക​കാ​ല​ത്ത് സിം​ഗി​ൾ​സ് റാ​ങ്കിം​ഗി​ൽ 27-ാമ​ത് എ​ത്തു​ക​യും ചെ​യ്തി​ട്ടു​ണ്ട്. ടെന്നീസില്‍ ഒരു ഇന്ത്യന്‍ വനിതാ താരത്തിന്റെ ഏറ്റവുമുയര്‍ന്ന റാങ്കാണിത്. 2007-ലായിരുന്നു ഈ നേട്ടം.  ആ​റ് ഗ്രാ​ന്‍റ് സ്ലാം ​കി​രീ​ട​ങ്ങ​ൾ നേ​ടി​യി​ട്ടു​ള്ള സാ​നി​യ അ​മ്മ​യാ​യ ശേ​ഷ​വും ക​ളി​ക്ക​ള​ത്തി​ലേ​ക്ക് തി​രി​ച്ചെ​ത്തി മി​ക​ച്ച പ്ര​ക​ട​നം കാ​ഴ്ച​വ​ച്ചി​രു​ന്നു. 2003 മുതല്‍ പ്രൊഫഷണല്‍ ടെന്നീസ് കളിക്കുന്ന താരം 19 വര്‍ഷത്തെ കരിയറാണ് അവസാനിപ്പിക്കുന്നത്.

‘ഇത് എന്റെ അവസാന സീസണ്‍ ആയിരിക്കുമെന്ന് ഞാന്‍ തീരുമാനിച്ചു കഴിഞ്ഞു. ആഴ്ച്ചതോറും പ്രകടനം വിലയിരുത്തി മുന്നോട്ടു പോകാനാണ് ശ്രമം. ഈ സീസണ്‍ മുഴുവന്‍ കളിക്കാനാകുമോ എന്ന് എനിക്ക് ഉറപ്പില്ല. കളിക്കണം എന്നാണ് ആഗ്രഹം’. സാനിയ വ്യക്തമാക്കി. 

ഓസ്‌ട്രേലിയന്‍ ഓപ്പണില്‍ യുക്രെയ്ന്‍ താരം നാദിയ കിചെനോകുമായി ചേര്‍ന്നാണ് താരം കോര്‍ട്ടിലിറങ്ങിയത്. എന്നാല്‍ സ്ലൊവേനിയന്‍ ജോഡി തമാര സിദാന്‍സെക്-കാജ ജുവാന്‍ സഖ്യത്തോട് രണ്ടു സെറ്റ് പോരാട്ടത്തില്‍ പരാജയപ്പെട്ടു. സ്‌കോര്‍: 4-6, 6-7. മത്സരം ഒരു മണിക്കൂറും 37 മിനിറ്റും നീണ്ടു നിന്നു.  സ്വെറ്റ്‌ലാന കുറ്റ്‌നെസോവ, വെര സ്വനരേവ, മരിയന്‍ ബര്‍തോളി, മാര്‍ട്ടിന ഹിംഗിസ്, ദിനാര സഫീന, വിക്ടോറിയ അസരങ്ക തുടങ്ങിയ ലോകോത്തര താരങ്ങള്‍ക്കെതിരേ വിജയം നേടിയിട്ടുണ്ട്. കണങ്കൈയ്‌ക്കേറ്റ പരിക്ക് വിട്ടു മാറാത്തതിനെ തുടര്‍ന്ന് താരം സിംഗിള്‍സ് കരിയര്‍ ഉപേക്ഷിക്കുകയായിരുന്നു. 

ചില കാര്യങ്ങൾ ഈ തീരുമാനത്തിനു പിന്നിലുണ്ട്. ഇന്നത്തെ മത്സരത്തിനിടയിൽ എന്റെ കാൽ മുട്ടിൽ അസഹനീയമായ വേദന ഉണ്ടായിരുന്നു. അതാണ് തോൽവിക്ക് കാരണമെന്ന് ഞാൻ പറയുന്നില്ല. പക്ഷെ എനിക്ക് പ്രായമായി. മുൻപത്തെ പോലെ നന്നായി കളിക്കാൻ കഴിയുന്നില്ല. മത്സരങ്ങൾക്കായി ‌ഞാൻ എന്റെ മൂന്നുവയസുകാരനായ മകനുമായി കൂടുതൽ ദൂരം യാത്ര ചെയ്യുന്നത് അവന്റെ ജീവൻ പോലും അപകടത്തിലാക്കുന്നു’-സാനിയ മിർസ പറഞ്ഞു. മത്സരങ്ങളിൽ പങ്കെടുക്കാൻ പഴയത് പോലെ ഊർജമില്ലെന്നും അവർ കൂട്ടിച്ചേർത്തു.

ഡബ്ല്യു.ടി.എ കിരീടം സ്വന്തമാക്കുന്ന ഇന്ത്യയിലെ രണ്ടു വനിതാ ടെന്നീസ് താരങ്ങളില്‍ ഒരാളാണ് സാനിയ. സിംഗിള്‍സ് റാങ്കിങ്ങില്‍ ആദ്യ നൂറിനുള്ളില്‍ ഇടം നേടിയ ഏക ഇന്ത്യന്‍ താരവും സാനിയയാണ്.