Breaking News
നവോദയ വിദ്യാലയങ്ങളില് 1925 അവസരം: ഫെബ്രുവരി 10വരെ അപേക്ഷിക്കാം

കേന്ദ്ര വിദ്യാഭ്യാസവകുപ്പിന് കീഴിലുള്ള നവോദയ വിദ്യാലയങ്ങളില് അനധ്യാപക തസ്തികകളിലേക്ക് അപേക്ഷ ക്ഷണിച്ചു. 1925 ഒഴിവുണ്ട്. നോയ്ഡയിലെ ഹെഡ് ക്വാര്ട്ടേഴ്സിലും ഭോപാല്, ചണ്ഡീഗഢ്, ഹൈദരാബാദ്, ജയ്പുര്, ലഖ്നൗ, പട്ന, പുണെ, ഷില്ലോങ് എന്നീ റീജണല് ഓഫീസുകളിലും രാജ്യത്താകെയുള്ള 649 ജവാഹര് നവോദയ വിദ്യാലയങ്ങളിലുമുള്ള ഒഴിവിലേക്കാണ് നവോദയ വിദ്യാലയ സമിതി അപേക്ഷ ക്ഷണിച്ചിരിക്കുന്നത്. തസ്തിക, ഒഴിവ്, യോഗ്യത, പ്രായപരിധി, ശമ്പളം എന്നിവ ക്രമത്തില്:
അസിസ്റ്റന്റ് കമ്മിഷണര് 5
ഹ്യുമാനിറ്റീസ്/സയന്സ്/ കൊമേഴ്സ് വിഷയത്തില് ബിരുദവും നിര്ദിഷ്ട ശമ്പള സ്കെയിലില് പ്രവൃത്തിപരിചയവും. 45 വയസ്സ്, 78,800 – 2,09,200 രൂപ.
അസിസ്റ്റന്റ് കമ്മിഷണര് (അഡ്മിന്) – 2
ബിരുദം, നിര്ദിഷ്ട ശമ്പള സ്കെയിലില് പ്രവൃത്തിപരിചയം. 45 വയസ്സ്. 67,700 – 2,08,700 രൂപ.
ഫീമെയില് സ്റ്റാഫ് നഴ്സ് – 82
പന്ത്രണ്ടാംക്ലാസ് വിജയം/തത്തുല്യം. നഴ്സിങ്ങില് ത്രിവത്സര ഡിപ്ലോമ/സര്ട്ടിഫിക്കറ്റ്. അല്ലെങ്കില് ബി.എസ്സി. നഴ്സിങ്. ഇന്ത്യന്/സ്റ്റേറ്റ് നഴ്സിങ് കൗണ്സില് രജിസ്ട്രേഷനും ഹോസ്പിറ്റല്/ക്ലിനിക്കില് രണ്ടുവര്ഷത്തെ പ്രവൃത്തിപരിചയവും. 35 വയസ്സ്. 44,900 – 1,42,400 രൂപ.
അസിസ്റ്റന്റ് സെക്ഷന് ഓഫീസര് 10
ബിരുദവും കംപ്യൂട്ടര് ഓപ്പറേഷന് അറിവും. 18 – 30 വയസ്സ്. 35,400 – 1,12,400 രൂപ.
ഓഡിറ്റ് അസിസ്റ്റന്റ് 11
ബി.കോമും ഗവ./സെമി. ഗവ./സ്വയംഭരണ സ്ഥാപനത്തില് അക്കൗണ്ട്സ് വിഭാഗത്തില് മൂന്നുവര്ഷത്തെ പ്രവൃത്തിപരിചയവും. 18 – 30 വയസ്സ്. 35,400 – 1,12,400 രൂപ.
ജൂനിയര് ട്രാന്സ്ലേഷന് ഓഫീസര് 4
ഇംഗ്ലീഷ്, ഹിന്ദി ഭാഷകള് മുഖ്യവിഷയമായോ നിര്ബന്ധിത വിഷയമായോ മാധ്യമമായോ നേടിയ ബിരുദവും ബിരുദാനന്തര ബിരുദവും. ഹിന്ദിയില്നിന്ന് ഇംഗ്ലീഷിലേക്കും തിരിച്ചുമുള്ള തര്ജമയില് ഡിപ്ലോമ/സര്ട്ടിഫിക്കറ്റും കേന്ദ്ര/സംസ്ഥാന ഗവ. ഓഫീസുകളില് രണ്ടുവര്ഷത്തെ പ്രവൃത്തിപരിചയവും. 32 വയസ്സ്. 35,400 – 1,12,400 രൂപ.
ജൂനിയര് എന്ജിനിയര് 1
സിവില് എന്ജിനിയറിങ്/ത്രിവത്സര ഡിപ്ലോമയും ഗവ./സ്വയംഭരണ/സ്റ്റാറ്റിയൂട്ടറി സ്ഥാപനങ്ങളില് മൂന്നുവര്ഷത്തെ പ്രവൃത്തിപരിചയവും. 35 വയസ്സ്. 29,200 – 92,300 രൂപ.
സ്റ്റെനോഗ്രാഫര് 22
സീനിയര് സെക്കന്ഡറി സ്കൂള് സര്ട്ടിഫിക്കറ്റ് (പന്ത്രണ്ടാംക്ലാസ്). ഇംഗ്ലീഷില് മിനിറ്റില് 80 വാക്ക് ഷോര്ട്ട് ഹാന്ഡ്, 40 വാക്ക് ടൈപ്പിങ് സ്പീഡും ഹിന്ദിയില് മിനിറ്റില് 60 വാക്ക് ഷോര്ട്ട് ഹാന്ഡ്, 30 വാക്ക് ടൈപ്പിങ് സ്പീഡും. 1827 വയസ്സ്. 25,500 – 81,100 രൂപ.
കംപ്യൂട്ടര് ഓപ്പറേറ്റര് 4
ബിരുദം, വേഡ് പ്രോസസിങ്ങിലും ഡേറ്റാ എന്ട്രിയിലുമുള്ള കഴിവും ഒരുവര്ഷ?െത്ത ഗവ. അംഗീകൃത കംപ്യൂട്ടര് ഡിപ്ലോമയും. 1830 വയസ്സ്. 25,500 – 81,100 രൂപ.
കാറ്ററിങ് അസിസ്റ്റന്റ് – 87
സെക്കന്ഡറി സ്കൂളും(പത്താം ക്ലാസ്) കാറ്ററിങ്ങില് നേടിയ ത്രിവത്സര ഡിപ്ലോമ/ തത്തുല്യം (കേന്ദ്ര/സംസ്ഥാന ഗവ. ടൂറിസം വകുപ്പ് അംഗീകൃതം). അല്ലെങ്കില് ഹോട്ടല് മാനേജ്മെന്റ് ആന്ഡ് കാറ്ററിങ് വൊക്കേഷണല് വിഷയമായി നേടിയ സി.ബി.എസ്.ഇ. സീനിയര് സെക്കന്ഡറി (പന്ത്രണ്ടാം ക്ലാസ്) വിജയവും ഒരുവര്ഷത്തെ പ്രവൃത്തിപരിചയവും. അല്ലെങ്കില് കാറ്ററിങ്ങില് ട്രേഡ് പ്രൊഫിഷ്യന്സി സര്ട്ടിഫിക്കറ്റും ഡിഫന്സില് 10 വര്ഷത്തെ സേവനവും (വിമുക്തഭടര്). 35 വയസ്സ്. 25,500 – 81,100 രൂപ.
ജൂനിയര് സെക്രട്ടേറിയറ്റ് അസിസ്റ്റന്റ് (ഹെഡ്ക്വാര്ട്ടേഴ്സ്/ആര്.ഒ. കേഡര്) – 8
സീനിയര് സെക്കന്ഡറി സര്ട്ടിഫിക്കറ്റും (പന്ത്രണ്ടാം ക്ലാസ്) മിനിറ്റില് 30 ഇംഗ്ലീഷ് വാക്ക്/25 ഹിന്ദി വാക്ക് ടൈപ്പിങ് സ്പീഡും. അല്ലെങ്കില് സെക്രട്ടേറിയല് പ്രാക്ടീസസ് ആന്ഡ് ഓഫീസ് മാനേജ്മെന്റ് വൊക്കേഷണല് വിഷയമായ സീനിയര് സെക്കന്ഡറി പ്ലസ്ടു ലെവല് വിജയവും (സി.ബി.എസ്.ഇ./സ്റ്റേറ്റ് ബോര്ഡ്). 18 – 27 വയസ്സ്, 19,900 – 63,200 രൂപ.
ജൂനിയര് സെക്രട്ടേറിയറ്റ് അസിസ്റ്റന്റ് (ജെ.എന്.വി. കേഡര്) 622
സീനിയര് സെക്കന്ഡറി സര്ട്ടിഫിക്കറ്റും (പന്ത്രണ്ടാംക്ലാസ്) മിനിറ്റില് 30 ഇംഗ്ലീഷ് വാക്ക്/25 ഹിന്ദി വാക്ക് ടൈപ്പിങ് സ്പീഡും. അല്ലെങ്കില് സെക്രട്ടേറിയല് പ്രാക്ടീസസ് ആന്ഡ് ഓഫീസ് മാനേജ്മെന്റ് വൊക്കേഷണല് വിഷയമായ സീനിയര് സെക്കന്ഡറി പ്ലസ്ടു ലെവല് വിജയവും (സി.ബി.എസ്.ഇ./സ്റ്റേറ്റ് ബോര്ഡ്). 18 – 27 വയസ്സ്, 19900 – 63200 രൂപ.
ഇലക്ട്രിഷ്യന് കം പ്ലംബര് – 273
പത്താംക്ലാസ് വിജയവും ഇലക്ട്രിഷ്യന് അല്ലെങ്കില് വയര്മാന്/പ്ലംബിങ് ട്രേഡില് ഐ.ടി.ഐ. സര്ട്ടിഫിക്കറ്റും ഇലക്ട്രിക്കല് ഇന്സ്റ്റലേഷന്, വയറിങ്, പ്ലംബിങ് ജോലിയില് രണ്ടുവര്ഷത്തെ പരിചയവും. 18 – 40 വയസ്സ്. 19,900 – 63,200 രൂപ.
ലാബ് അറ്റന്ഡന്റ് – 142
പത്താംക്ലാസ് വിജയവും ലബോറട്ടറി ടെക്നിക് ഡിപ്ലോമ/സര്ട്ടിഫിക്കറ്റും. അല്ലെങ്കില് സയന്സ് സ്ട്രീമില് പന്ത്രണ്ടാം ക്ലാസ് വിജയം. 18 – 30 വയസ്സ്. 18,000 – 56,900 രൂപ.
മെസ് ഹെല്പ്പര് – 629
പത്താംക്ലാസ് വിജയം (ജവാഹര് നവോദയ വിദ്യാലയങ്ങളില് പത്താംക്ലാസ് പാസായിട്ടില്ലാത്തവര് ജോലിയില് പ്രവേശിച്ച് രണ്ടുവര്ഷത്തിനുള്ളില് നേടിയാല്മതി). ഗവ. റെസിഡന്ഷ്യല് സ്ഥാപനങ്ങള്/സ്കൂളുകളിലോ പത്തുവര്ഷത്തെ പ്രവൃത്തിപരിചയം. സ്കില് ടെസ്റ്റ് പാസാവണം. 18 – 30 വയസ്സ്. 18,000 – 56,900 രൂപ.
മള്ട്ടി ടാസ്കിങ് സ്റ്റാഫ് – 23
പത്താംക്ലാസ് വിജയം. 18 – 30 വയസ്സ്. 18,000 – 56,900 രൂപ.
വിവരങ്ങള്ക്ക്: www.navodaya.gov.in
അവസാന തീയതി: ഫെബ്രുവരി 10.
Breaking News
ഗോകുലം ഗോപാലന്റെ സ്ഥാപനത്തിൽ ഇഡി റെയ്ഡ്

ചെന്നൈ: വ്യവസായിയും സിനിമാ നിർമാതാവുമായ ഗോകുലം ഗോപാലന്റെ സ്ഥാപനത്തിൽ എൻഫോഴ്സ്മെന്റ് ഡയറക്ടറേറ്റിന്റെ പരിശോധന. ചെന്നൈ കോടമ്പാക്കത്തുള്ള ഗോകുലം ചിറ്റ്സ് ഫിനാൻസിന്റെ കോർപ്പറേറ്റ് ഓഫീസിലാണ് റെയ്ഡ്. ഇഡി കൊച്ചി യൂണിറ്റിലെ ഉദ്യോഗസ്ഥരും പരിശോധനയിൽ പങ്കെടുക്കുന്നുണ്ട്. രാവിലെ മുതലാണ് പരിശോധന ആരംഭിച്ചത്. 2023 ഏപ്രിലിൽ ഗോകുലം ഗോപാലനെ ഇഡി ചോദ്യംചെയ്തിരുന്നു. കൂടുതൽ വിവരങ്ങൾ ലഭ്യമല്ല.
Breaking News
ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
Breaking News
കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
You must be logged in to post a comment Login