കണ്ണൂർ: രാ​ത്രി പ​ത്തി​ന് ശേ​ഷം ഇ​നി യാ​ത്ര​ക​ൾ വേ​ണ്ട. അ​ത്യാ​വ​ശ്യ യാ​ത്ര​ക​ൾ മാ​ത്രം മ​തി. പു​തു​വ​ർ​ഷ​ത്തെ വീ​ട്ടി​ലി​രു​ന്നും വ​ര​വേ​ൽ​ക്കാം. ഒ​മി​ക്രോ​ണ്‍ വ്യാ​പ​ന​ത്തി​ന്‍റെ പ​ശ്ചാ​ത്ത​ല​ത്തി​ൽ സ​ർ​ക്കാ​ർ ഏ​ർ​പ്പെ​ടു​ത്തി​യ രാ​ത്രി ക​ർ​ഫ്യൂവി​ന് ഇ​ന്ന​ലെ രാ​ത്രി​യി​ൽ തു​ട​ക്ക​മാ​യി. ക​ർ​ശ​ന​മാ​യ പ​രി​ശോ​ധ​ന​യാ​ണ് പോ​ലീ​സ് ഏ​ർ​പ്പെ​ടു​ത്തി​യി​രി​ക്കു​ന്ന​ത്. 

പോലീസ് മുന്നറിയിപ്പ് 

നി​യ​ന്ത്ര​ണ​ങ്ങ​ൾ പാ​ലി​ക്കാ​തെ​യും കോ​വി​ഡ് മാ​ന​ദ​ണ്ഡ​ങ്ങ​ൾ ലം​ഘി​ച്ചും പു​തു​വ​ത്സ​രാ​ഘോ​ഷ​ങ്ങ​ൾ ന​ട​ത്തി​യാ​ൽ അ​കത്ത് ​പോ​കു​മെ​ന്നാ​ണ് പോ​ലീ​സ് ന​ൽ​കു​ന്ന മു​ന്ന​റി​യി​പ്പ്. ഇ​ന്ന​ലെ രാ​ത്രി മു​ത​ൽ നി​യ​ന്ത്ര​ണ​ങ്ങ​ൾ ന​ട​പ്പാ​ക്കി തു​ട​ങ്ങി​യ​തോ​ടെ സു​ര​ക്ഷാ ക്ര​മീ​ക​ര​ണ​ങ്ങ​ൾ​ക്കാ​യി നി​ര​വ​ധി പോ​ലീ​സ് ഉ​ദ്യോ​ഗ​സ്ഥ​രെ​യാ​ണ് ഡ്യൂ​ട്ടി​യാ​ക്കാ​യി നി​യോ​ഗി​ച്ചി​രി​ക്കു​ന്ന​ത്.

പ​ക​ൽ, രാ​ത്രി വ്യ​ത്യാ​സ​മി​ല്ലാ​തെ പോ​ലീ​സി​ന്‍റെ പ​രി​ശോ​ധ​നാ സം​ഘം റോ​ഡി​ലു​ണ്ടാ​കും. രാ​ത്രി 10 മു​ത​ൽ പു​ല​ർ​ച്ചെ അ​ഞ്ചു​വ​രെ​യു​ള്ള രാ​ത്രി​കാ​ല യാ​ത്ര നി​യ​ന്ത്ര​ണം നി​ല​വി​ൽ​ വ​ന്ന​തോ​ടെ ഈ ​സ​മ​യ​ങ്ങ​ളി​ൽ അ​ടി​യ​ന്ത​ര ആ​വ​ശ്യ​ങ്ങ​ൾ​ക്ക് പു​റ​ത്തി​റ​ങ്ങു​ന്ന​വ​ർ സ്വ​യം​സാ​ക്ഷ്യ​പ​ത്രം ക​രു​ത​ണം.

എ​ല്ലാ​യി​ട​ത്തും ഇ​ന്ന​ലെ രാ​ത്രി 10ന് ​ത​ന്നെ ക​ട​ക​ൾ അ​ട​ച്ചു. നി​യ​ന്ത്ര​ണ സ​മ​യത്ത് പു​റ​ത്തി​റ​ങ്ങി​യ​വ​ർ​ക്കെ​തി​രെ പോ​ലീ​സ് ന​ട​പ​ടി സ്വീ​ക​രി​ക്കു​ക​യും ചെ​യ്തി​ട്ടു​ണ്ട്. ടൗ​ണു​ക​ളി​ൽ പോ​ലീ​സ് പ​രി​ശോ​ധ​ന ക​ർ​ശ​ന​മാ​ക്കി​യി​രു​ന്നു.​ അ​നു​മ​തി​യി​ല്ലാ​തെ ഉ​ച്ച​ഭാ​ഷി​ണി പ്ര​വ​ർ​ത്തി​പ്പി​ക്കു​ന്ന​തി​നോ പൊ​തു​പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​തി​നോ പ​ട​ക്കം പൊ​ട്ടി​ക്കു​ന്ന​തി​നോ അ​നു​വാ​ദ​മി​ല്ല.

മദ്യപിച്ചാൽ പണിയാവും

പു​തു​വ​ത്സ​രാ​ഘോ​ഷ​ത്തോ​ട​നു​ബ​ന്ധി​ച്ച് ഇ​ന്ന് രാ​ത്രി​യി​ൽ മ​ദ്യ​പി​ച്ച് വാ​ഹ​ന​മോ​ടി​ക്കു​ന്ന​വ​ർ​ക്കെ​തി​രെ​യും ക​ർ​ശ​ന ന​ട​പ​ടി​ക​ളാ​ണ് സ്വീ​ക​രി​ക്കു​ന്ന​ത്. ഇ​ത്ത​ര​ക്കാ​രെ ക​ണ്ടെ​ത്തു​ന്ന​തി​നാ​യി വാ​ഹ​ന പ​രി​ശോ​ധ​ന ഊർ​ജി​ത​മാ​ക്കി​യി​ട്ടു​ണ്ട്. മ​ദ്യ​വി​ല്പ​ന ശാ​ല​ക​ൾ നി​യ​മ​പ്ര​കാ​ര​മു​ള്ള സ​മ​യ​പ​രി​ധി​യി​ൽ മാ​ത്ര​മേ പ്ര​വ​ർ​ത്തി​ക്കു​ന്നു​ള്ളു​വെ​ന്നും പോ​ലീ​സ് ഉ​റ​പ്പാ​ക്കും.

പൊ​തു​സ്ഥ​ല​ങ്ങ​ളി​ൽ മ​ദ്യ​പി​ക്കു​ന്ന​വ​രെ​യും സ്ത്രീ​ക​ളെ​യും കു​ട്ടി​ക​ളേ​യും ശ​ല്യം ചെ​യ്യു​ന്ന​വ​രെ​യും പി​ടി​കൂ​ടു​ന്ന​തി​നാ​യി വ​നി​ത പോ​ലീ​സ് ഉ​ദ്യോ​ഗ​സ്ഥ​ർ ഉ​ൾ​പ്പെ​ടെ​യു​ള്ള​വ​രെ മ​ഫ്തി​യി​ലും ഡ്യൂ​ട്ടി​ക്കാ​യി നി​യോ​ഗി​ച്ചി​ട്ടു​ണ്ട്. ല​ഹ​രി​പ​ദാ​ർ​ഥ​ങ്ങ​ളു​ടെ വി​പ​ണ​ന​വും ഉ​പ​യോ​ഗ​വും ത​ട​യു​ന്ന​തി​നും ന​ട​പ​ടി​ക​ൾ എ​ടു​ക്കു​ന്ന​തി​നു​മാ​യി ല​ഹ​രി വി​രു​ദ്ധ സ്ക്വാ​ഡും രം​ഗ​ത്തു​ണ്ട്.

നിരീക്ഷണത്തിൽ

ക്രി​സ്മ​സ് ത​ലേ​ന്നുമു​ത​ൽ ആ​ഘോ​ഷ​ങ്ങ​ളി​ലും ഡി​.ജെ. പാ​ർ​ട്ടി​ക​ളി​ലും ല​ഹ​രി ഉ​പ​യോ​ഗം ന​ട​ക്കു​മെ​ന്ന സ്പെ​ഷ​ൽ ബ്രാ​ഞ്ച് റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ നി​രീ​ക്ഷ​ണം പോ​ലീ​സ് ന​ട​ത്തി​വ​രി​ക​യാ​ണ്. കു​മ​ര​ക​വും വാ​ഗ​മ​ണ്ണും ല​ഹ​രി മാ​ഫി​യാ​യു​ടെ ഹോ​ട്ട് സ്പോ​ട്ടു​ക​ൾ എന്ന് ക​ണ്ടെ​ത്തി​യ​തി​നെ​ത്തു​ട​ർന്ന് ഇ​വി​ട​ങ്ങ​ളി​ലെ ഹോ​ട്ട​ലു​ക​ളും റി​സോ​ട്ടു​ക​ളും ഹോം ​സ്റ്റേ​ക​ളും പോ​ലീ​സി​ന്‍റെ ക​ർ​ശ​ന നി​രീ​ക്ഷ​ണ​ത്തി​ലാ​ണ്.

വാ​ഹ​ന​ങ്ങ​ളു​ടെ അ​മി​ത​വേ​ഗം ഒ​ഴി​വാ​ക്കാനാ​യി കാ​മ​റ​ക​ളു​ടെ സ​ഹാ​യ​ത്തോ​ടെ വാ​ഹ​ന​പ​രി​ശോ​ധ​ന​യ ഇ​ന്‍റ​ർ​സെ​പ്റ്റ​ർ വെ​ഹി​ക്കി​ൾ ഉ​പ​യോ​ഗി​ച്ചു​ള്ള വാ​ഹ​ന പ​രി​ശോ​ധ​ന​യും ഏ​ർ​പ്പെ​ടു​ത്തി​യി​ട്ടു​ണ്ട്. മ​ദ്യ​പി​ച്ച് വാ​ഹ​നം ഓ​ടി​ക്കു​ന്ന​വ​രു​ടെ ലൈ​സ​ൻ​സ് റ​ദ്ദ് ചെ​യ്യു​ന്ന​തി​നു​വേ​ണ്ട ന​ട​പ​ടി​ സ്വീ​ക​രി​ക്കു​മെ​ന്നും പോ​ലീ​സ് അ​റി​യി​ച്ചി​ട്ടു​ണ്ട്.