ബാലത്തിലെയും മാഹിപ്പുഴക്ക്‌ കുറുകെയുള്ള പാലത്തിലെയും ടാറിങ്ങാണ്‌ ബാക്കിയുള്ളത്‌. എരഞ്ഞോളി പാലം നിർമാണം അടുത്താഴ്‌ചയോടെ പൂർത്തിയാകും. മയ്യഴിപ്പുഴക്കു കുറുകെ 970 മീറ്റർ നീളത്തിലുള്ള പാലമാണ്‌ ബൈപാസിലെ പ്രധാന ആകർഷണങ്ങളിലൊന്ന്‌.  മുഴപ്പിലങ്ങാട് മുതൽ കോഴിക്കോട് ജില്ലയിലെ അഴിയൂർവരെയുള്ള 18.6 കിലോമീറ്റർ ബൈപാസ്‌ നിർമാണം തുടങ്ങിയത്‌ 2017 ഡിസംമ്പർ നാലിനാണ്. എറണാകുളം പെരുമ്പാവൂരിലെ ഇ.കെ.കെ ഇൻഫ്രാസ്‌ട്രക്‌ചറിനാണ് നിർമാണച്ചുമതല. റോഡ്‌ ലെവലിങ്‌ പൂർത്തിയായ സ്ഥലങ്ങളിൽ ടാറിങ്‌ പ്രവൃത്തി ത്വരിതഗതിയിൽ നടക്കുന്നുണ്ട്‌. 13 മേൽപാലങ്ങളാണ്‌ ബൈപാസിലുള്ളത്‌.  22 അടിപ്പാതകളും. നൂറിലേറെ കലുങ്കുകളുള്ള പാതയിൽ ഇരുവശത്തും സർവീസ് റോഡുകളുണ്ട്‌. 20 മിനിറ്റുകൊണ്ട് മുഴപ്പിലങ്ങാടുനിന്ന് മാഹിയിലെത്താമെന്നതാണ്‌ ബൈപാസിന്റെ സവിശേഷത. 

തലശേരി നഗരത്തിലൂടെ കടന്നുപോകുന്ന ദേശീയപാതയിലെ ഗതാഗതക്കുരുക്കിന്‌ ശാശ്വതപരിഹാരം കാണാൻ 30 വർഷം മുമ്പാണ്‌ ബൈപാസ്‌ നിർമിക്കാൻ  തീരുമാനിച്ചത്‌. സ്ഥലമെടുപ്പിൽ തട്ടിയാണ്‌ പതിറ്റാണ്ടുകൾ നഷ്ടപ്പെട്ടത്‌.  എൽഡിഎഫ്‌ സർക്കാർ വന്നതോടെ നൂലാമാലകൾ പരിഹരിച്ച്‌  ഏറ്റെടുത്ത സ്ഥലത്ത്‌ നിർമാണ പ്രവർത്തനങ്ങൾ ആരംഭിക്കുകയായിരുന്നു.